قازاقستاندىق تەننيسشى الەكساندر بۋبليك: «مەن دەۆيس كۋبوگىندا، ازيا نە بولماسا وليمپيادا ويىندارىندا قازاقستاننىڭ اتىنان شىعاتىنىمدى ماقتان تۇتامىن",- دەيدى. سپورتشى 2016 جىلعا دەيىن رەسەيدىڭ اتىنان ونەر كورسەتكەن.

«مەندە بۇدان بىلاي رەسەيلىك پاسپورت جوق، ويتكەنى ەكى ەلدىڭ ازاماتتىعىن الىپ ءجۇرۋ مۇمكىن ەمەس. مەنىڭ رەسەي تەننيس فەدەراتسياسىنا ەشقانداي قاتىسىم جوق. مەن قازاقپىن، قازاقستاننىڭ اتىنان شىققانىما التى جىلعا جۋىقتادى،-دەدى بۋبليك.

سونىمەن قاتار ول ۇلىبريتانيانىڭ لاۋن-تەننيس قاۋىمداستىعىنىڭ (LTA) رەسەيلىكتەر مەن بەلارۋستەرگە ۋيمبلدون-2022 جانە باسقا دا تۋرنيرلەرگە قاتىسۋعا تىيىم سالۋ تۋرالى شەشىمىنە قاتىستى پىكىر ءبىلدىرىپتى.

«بۇل ۇكىمەت پەن ۇيىمداستىرۋشىلاردىڭ شەشىمى. بۇلاي ىستەۋگە ولاردىڭ قاقىسى بار. مەن ءۇشىن سپورت ءبىر ساتكە بولسىن داڭعازا تىرلىكتەن تىنىعۋ. سوندىقتان سپورتقا ساياساتتى قاتتى ارالاستىرۋدىڭ قاجەتى جوق»، -دەيدى تەننيسشى.

Abai.kz