ەكونوميكاسى دامىعان ەلدەر توبى - "ۇلكەن جەتىلىك" قىتايدى ۋكراينا ەگەمەندىگىن قولداۋعا، رەسەيگە كومەكتەسپەۋگە شاقىردى. بۇعان قوسا، توپ ماسكەۋدىڭ كيەۆكە قارسى سەبەپسىز سوعىس اشۋى بۇكىل الەمگە قاۋىپ ءتوندىرىپ، ازىق-تۇلىك جانە ەنەرگەتيكا داعدارىسىن تۋدىراتىنىن ەسكەرتتى.
"ۇلكەن جەتىلىك" رەسەيدىڭ وداقتاسى بەلارۋس بيلىگىن دە ماسكەۋدىڭ اسكەري قيمىلدارىن "قولداۋدى" دوعارۋعا، "حالىقارالىق مىندەتتەرىن ورىنداۋعا" شاقىردى.
G7 توبىنا اقش، ۇلىبريتانيا، كانادا، فرانتسيا، گەرمانيا، يتاليا جانە جاپونيا كىرەدى. توپ رەسەيدىڭ ۋكراينادا باسىپ العان استىق قويمالارىن ازات ەتۋ كەرەكتىگىن مالىمدەدى. سول سەبەپتى ۋكراينا استىق ەكسپورتتاي الماي وتىر. مۇنداي جاعداي ازىق-تۇلىك داعدارىسىن تەرەڭدەتۋى مۇمكىن.
مالىمەتتەرگە قاراعاندا، ۋكراينا 25 ميلليون توننا استىقتى شەتەلگە شىعارا الماي وتىر. سونىڭ سالدارىنان تاياۋ شىعىس جانە افريكا ەلدەرى نانسىز قالۋى مۇمكىن.
Abai.kz
