ادۆوكات سۇڭقار نۇرماعامبەتوۆ ءوزىنىڭ الەۋمەتتىك پاراقشاسىندا «قىتايدا ەسىرتكى تاسىمالى بويىنشا سوتتالعان قازاقستاندىق اقجارقىن تۇرلىبايدىڭ ءىسى بيىل قايتا قاراۋى مۇمكىن ەكەنىن»،- ايتتى. الايدا ونىڭ قازاقستانعا ناقتى قاي كۇنى قايتارىلاتىنى، قانداي جازا قولدانىلاتىنى بەلگىسىز.

«قر سوتتالعان ازاماتتارىن بەرۋ 30.09.2015 ج.بەيجىڭدە قول قويىلعان ەكى جاقتى شارتپەن رەتتەلەدى.

بارلىق ەلدەردە مۇنداي كەلىسىم جوق. بۇل فاكت!

سوتتالۋشىنى بەرۋ كەلەسى پروتسەدۋرالاردان تۇرادى :

1. ءومىر بويى باس بوستاندىعىنان ايىرۋدان بەلگىلى ءبىر ۋاقىتقا باس بوستاندىعىنان ايىرۋعا جازانى قايتا قاراۋ تۋرالى شەشىم (كەزەڭمەن ەسەپتەلەتىن) – سوتتالۋشىنى بەرۋگە تىكەلەي ىقپال ەتەدى.
2. قر باس پروكۋراتۋراسىنا بەرۋ تۋرالى قولداۋحات جولداۋ. قولداۋحاتتى مەن 2016 جىلدىڭ ءساۋىر ايىندا باستادىم.
3. بپ مەن قر ءسىم-ءنىڭ قىتاي تاراپىمەن باعدارلامانى ورىنداۋ بويىنشا ءوزارا ءىس-قيمىلى.

وتە ماڭىزدى ءسات. جازانى قايتا قاراۋ بيىلعى جىلى بولۋى مۇمكىن.

پرەزيدەنت ق. ك. توقاەۆ 2019 جىلعى قىركۇيەكتە قحر-عا ساپارى بارىسىندا قىتايدى گۋمانيزم تانىتۋعا جانە اقجارقىننىڭ قازاقستانعا ورالۋىنا جاردەمدەسۋگە شاقىردى»، - دەپ جازدى ادۆوكات.

قازاقستان ازاماتشاسى اقجارقىن تۇرلىباي 2014 جىلى قىتايدا «ەسىرتكى تاسىمالدادى» دەگەن كۇدىككە ءىلىنىپ، ۇستالعان. 2019 جىلى گۋانجوۋ قالاسى سوتىنىڭ شەشىمىمەن ءومىر بويى باس بوستاندىعىنان ايىرىلادى.

Abai.kz