اباي اتىنداعى رەسپۋبليكالىق مامانداندىرىلعان دارىندى بالالارعا ارنالعان قازاق ءتىلى مەن ادەبيەتىن تەرەڭدەتە وقىتاتىن ورتا مەكتەپ-ينتەرناتىندا IV رەسپۋبليكلىق "ابايتانۋ" وليمپياداسى وتۋدە، دەپ حابارلايدى Abai.kz  "ادىرنا" ۇلتتىق پورتالىنا سىلتەمە جاساپ.

رەسپۋبليكالىق وليمپياداعا وبلىستىق، قالالىق دەڭگەيدەن جەڭىسكە جەتكەن وقۋشىلار قاتىسىپ جاتىر. جارىسقا قاتىسۋعا جالپى سانى 130 وقۋشى: 14 وبلىس، 3 قالا، رەسپۋبليكالىق ءبىلىم بەرۋ ۇيىمدارى، نزم دببۇ، اباي مەكتەپتەرى جەلىسىنەن كەلگەن.

ۇلى اقىننىڭ باي مۇراسىن جاس ۇرپاق ساناسىنا تەرەڭ ءارى جان-جاقتى سىڭىرۋگە باعىتتالعان وليمپيادانىڭ ماقساتى – م.اۋەزوۆتىڭ «اباي جولى» رومان-ەپوپەياسىن تولىق مەڭگەرۋ ارقىلى كەمەڭگەردىڭ اقىندىق بولمىسىنا ءۇڭىلۋ، ابايدىڭ شىعارماشىلىعى مەن ونەگەلى ومىرىنەن عيبرات الىپ، ومىردە قولدانۋ، زياتكەرلىك جانە شىعارماشىلىق قابىلەتتەرىن دامىتۋ. سول ارقىلى اباي ولەڭدەرىنىڭ ءمان-ماڭىزى مەن قادىر-قاسيەتىن ءتۇسىنۋ، اباي قاراسوزدەرىنىڭ تاربيەلىك-تاعىلىمدىق ماڭىزىن ۇعىنۋ، ابايشا ويلاۋعا ۇمتىلۋ، سويلەۋ مادەنيەتىن ۇيرەنۋگە، ءتىل تازالىعىن ساقتاۋعا داعدىلانۋ جانە كۇندەلىكتى ومىردە قولدانۋ.

رەسپۋبليكالىق وليمپيادا جەڭىمپازدارىن بەلگىلى ابايتانۋشى، ادەبيەتشى-ءتىلشى، زەرتتەۋشىلەر انىقتايدى. جۇلدەگەرلەر باعالى سىيلىقپەن ماراپاتتالادى. جان-جاقتان جينالعان جارىسقا قاتىسۋشىلار م.اۋەزوۆ اتىنداعى تەاترعا بارىپ، قويىلىم تاماشالاسا، جەتەكشىلەرگە ارنالعان كوۋچينگ-سەمينار وتەدى.

Abai.kz