شىعىس قازاقستان وبلىسىنىڭ ۇلان اۋدانىنداعى ساعىر اۋىلىنىڭ سەگىز بىردەي وتباسىنىڭ وسىدان ءبىراز كۇن بۇرىن قىسقا دايىنداعان ءشوبى تۇگەلدەي ورتەنىپ كەتكەن ەدى. قاھارلى قىسقا دايىن وتىرعان اۋىل تۇرعىندارى توتەدەن كەلگەن بۇل قيىندىققا ىستەر لاجدارى قالماعان سوڭ، ۇلان اۋدانىنىڭ اكىمى سەرىك تولەنبەرگەنوۆتەن كومەك سۇراعان.

بۇل جايتقا بەي-جاي قاراماعان اۋدان اكىمى اياق استىنان زارداپقا تاپ بولعان ادامدارعا بۇكىل اۋدان حالقىن جۇمىلدىرعان. الا جازداي مالىنا قىسقى ازىعىن دايىنداۋمەن اينالىسىپ، ال بۇگىن جيعان-تەرگەنىنەن ايىرىلىپ وتىرعان ساعىرلىقتاردىڭ جاي-كۇيىن تۇسىنگەن جەرلەستەرى اۋدان اكىمىنىڭ ۇسىنىسىن بىردەن قۇپ العان.

وسىنىڭ ناتيجەسىندە، اۋىلدىڭ سوعىس جانە ەڭبەك ارداگەرلەرى مەن ايەلدەر كەڭەسىنىڭ ۇيىتقى بولۋىمەن اۋىلدىق وكرۋگ تۇرعىندارىنان 50 مىڭ تەڭگە، اۋدان ورتالىعىنداعى مەملەكەتتىك مەكەمە قىزمەتكەرلەرىنەن 120 مىڭ تەڭگە قاراجات جينالدى.

ساعىر اۋىلىنا بارىپ تۇرعىندارمەن كەزدەسكەن س.تولەنبەرگەنوۆ ورتتەن زارداپ شەككەن تۇرعىندارعا شارۋا قوجالىقتارىنان جينالعان 7,5 توننا جەمدى تاراتىپ جانە الداعى ۋاقىتتا تاعى 30 توننا جەم-ءشوپ جەتكىزىلەتىنىنە ۋادە بەردى. ال، قاقاعان قىستىڭ الدىندا ەلدىڭ ءشوبىن ورتەۋمەن اينالىسىپ جۇرگەن قىلمىسكەردى قۇرىقتاۋمەن قۇقىققورعاۋ ورگاندارىنىڭ قىزمەتكەرلەرى اينالىساتىنىن ايتتى.

ۇلان اۋدانى اكىمىنىڭ ءباسپاسوز قىزمەتى.

«Abai.kz»

شىعىس قازاقستان وبلىسىنىڭ ۇلان اۋدانىنداعى ساعىر اۋىلىنىڭ سەگىز بىردەي وتباسىنىڭ وسىدان ءبىراز كۇن بۇرىن قىسقا دايىنداعان ءشوبى تۇگەلدەي ورتەنىپ كەتكەن ەدى. قاھارلى قىسقا دايىن وتىرعان اۋىل تۇرعىندارى توتەدەن كەلگەن بۇل قيىندىققا ىستەر لاجدارى قالماعان سوڭ، ۇلان اۋدانىنىڭ اكىمى سەرىك تولەنبەرگەنوۆتەن كومەك سۇراعان.

بۇل جايتقا بەي-جاي قاراماعان اۋدان اكىمى اياق استىنان زارداپقا تاپ بولعان ادامدارعا بۇكىل اۋدان حالقىن جۇمىلدىرعان. الا جازداي مالىنا قىسقى ازىعىن دايىنداۋمەن اينالىسىپ، ال بۇگىن جيعان-تەرگەنىنەن ايىرىلىپ وتىرعان ساعىرلىقتاردىڭ جاي-كۇيىن تۇسىنگەن جەرلەستەرى اۋدان اكىمىنىڭ ۇسىنىسىن بىردەن قۇپ العان.

وسىنىڭ ناتيجەسىندە، اۋىلدىڭ سوعىس جانە ەڭبەك ارداگەرلەرى مەن ايەلدەر كەڭەسىنىڭ ۇيىتقى بولۋىمەن اۋىلدىق وكرۋگ تۇرعىندارىنان 50 مىڭ تەڭگە، اۋدان ورتالىعىنداعى مەملەكەتتىك مەكەمە قىزمەتكەرلەرىنەن 120 مىڭ تەڭگە قاراجات جينالدى.

ساعىر اۋىلىنا بارىپ تۇرعىندارمەن كەزدەسكەن س.تولەنبەرگەنوۆ ورتتەن زارداپ شەككەن تۇرعىندارعا شارۋا قوجالىقتارىنان جينالعان 7,5 توننا جەمدى تاراتىپ جانە الداعى ۋاقىتتا تاعى 30 توننا جەم-ءشوپ جەتكىزىلەتىنىنە ۋادە بەردى. ال، قاقاعان قىستىڭ الدىندا ەلدىڭ ءشوبىن ورتەۋمەن اينالىسىپ جۇرگەن قىلمىسكەردى قۇرىقتاۋمەن قۇقىققورعاۋ ورگاندارىنىڭ قىزمەتكەرلەرى اينالىساتىنىن ايتتى.

ۇلان اۋدانى اكىمىنىڭ ءباسپاسوز قىزمەتى.

«Abai.kz»