"شىڭجاڭ پوليتسياسىنىڭ فايلدارى" دەپ اتالاتىن قۇجاتتا ولكەنىڭ تۇرعىلىقتى حالقىن لاگەرلەردە ازاپاتعانىن راستايتىن ونداعان مىڭ فوتو جانە ۆيدەودالەل بار. اتاپ ايتقاندا، باياندامادا پوليتسيا قىزمەتكەرلەرىنىڭ جاتتىعۋى كەزىندە قاماۋداعىلاردى قالاي جابىرلەگەنى تۋرالى كادرلار كەزدەسەدى. مىسالى، لاگەردەگى ادامداردى كىسەندەپ، ولاردى ۇرىپ-سوققان.
شىڭجاڭ پوليتسياسىنىڭ ىشكى كومپيۋتەرلىك جەلىسىندەگى فايلداردى كوممۋنيزم قۇرباندارىن ەسكە الۋ قورىنىڭ قىتاي زەرتتەۋلەرى ءبولىمىنىڭ ديرەكتورى ادريان زەنتس العان.
قور مالىمدەمەسىندە ادامعا تولعان مەكەمەلەرگە قوسىمشا كۇزەت تاعايىنداۋ تۋرالى جارلىقتى قىتاي باسشىسى سي تسزينپين بەرگەنى ايتىلعان. پوليتسيا مالىمەتتەرى بازاسىندا 2018 جىلى حالىقتىڭ جاسى ۇلكەن وكىلدەرىنىڭ 12 پايىزدان استامى "قايتا تاربيەلەۋ لاگەرلەرىندە" بولعانى، ولاردىڭ دەنى ۇيعىرلار ەكەنى ايتىلعان.
"شىڭجاڭ پوليتسياسىنىڭ فايلدارى" قىتاي بيلىگىنىڭ كاسىبي ءبىلىم بەرۋ ورتالىقتارى دەپ اتايتىن مەكەمەلەردىڭ شىن مانىندە تۇرمە ەكەنىن دالەلدەيدى", - دەپ مالىمدەدى قور پرەزيدەنتى ەندريۋ برەمبەرگ.
قىتاي سىرتقى ىستەر مينيسترلىگىنىڭ سپيكەرى ۆەنگ ۆەنبين قور بايانداماسىن "قىتايدى الالاۋ" دەپ اتاعان. بۇل تۋرالى Bloombergحابارلادى.
2019 جىلى حالىقارالىق زەرتتەۋشى جۋرناليستەر كونسورتسيۋمىقىتايدىڭ سولتۇستىك-باتىسىنداعى شىڭجاڭ ۇيعىر اۆتونوميا اۋدانىنىڭ مۇسىلماندارى وتىرعان لاگەرلەر تۋرالى قىتاي بيلىگىنىڭ قۇپيا قۇجاتتارىن جاريالادى.
2021 جىلى اقش مەملەكەتتىك حاتشىسى مايك پومپەو قىتايداعى ۇيعىرلاردى قۋدالاۋدى گەنوتسيد دەپ اتادى.
Abai.kz
