تورتەۋى دە وتكەن اپتادا "قاراقشىلىق" بابىنىڭ 3-تارماعى نەگىزىندە قوزعالعان ءبىر قىلمىستىق ءىس بويىنشا سوتتالعان. قىلمىس "توتەنشە جاعداي كەزىندە جاسالعاندىقتان" جازا اۋىرلاتىلعان. ءىستىڭ باسقا دا ءمان-جايى حابارلانبادى. سوت ۇكىمى ءالى كۇشىنە ەنگەن جوق.

ءباسپاسوز قىزمەتىنىڭ مالىمەتىنشە، 16-20 مامىر ارالىعىندا الماتىنىڭ قىلمىستىق سوتتارىندا 11 ۇكىم شىققان. ون ىستەگى 17 ادام باس بوستاندىعىنان ايرىلعان. 11 ءىستىڭ توعىزى "ۇرلىق" بابى نەگىزىندە قوزعالىپ، 15 ادامنىڭ ءىسى قارالعان.

قازاقستان بيلىگىنىڭ مالىمدەۋىنشە، قاڭتار وقيعاسى كەزىندە جانە كەيىن ۇستالعاندار ازاپتاۋعا قاتىستى 200-دەن استام ارىز تۇسىرگەن. شاعىمدار نەگىزىندە قىلمىستىق ىستەر قوزعالعان. ازىرگە كۇش قۇرىلىمدارىنىڭ بار بولعانى 11 قىزمەتكەرى كۇدىكتى اتانعانى ءمالىم.

رەسمي مالىمەت بويىنشا، قازاقستاندا قاڭتار وقيعاسىنداعى تارتىپسىزدىكتەر كەزىندە قازا بولعان 238 ادامنىڭ كەم دەگەندە سەگىزى "تەرگەۋدىڭ زاڭعا قايشى ارەكەتى" سالدارىنان كوز جۇمعان.

قاڭتار وقيعاسى كەزىندە قازا تاپقاندارعا قاتىستى ىستەر ءادىل تەرگەلمەي، ءىس ماتەريالدارى ءبىر مەكەمەدەن ەكىنشىسىنە ەش ناتيجەسىز ءوتىپ جاتقانىن مامىر ايىندا حالىقارالىق Human Rights Watch ادام قۇقىقتارىن قورعاۋ ۇيىمى حابارلادى. ۇيىم بيلىكتى تەرگەۋ جۇرگىزەتىن تاۋەلسىز ورگان قۇرىپ، ونىڭ قۇرامىنا حالىقارالىق ساراپشى تارتۋعا شاقىردى.

قازاقستان بيلىگى قاڭتار وقيعاسىن شەتەل ساراپشىلارىنىڭ قاتىسۋىمەن تەرگەۋ ۇسىنىسىن قابىلدامادى.

Abai.kz