2022 جىلدىڭ 27 مامىر كۇنى الماتى قالاسىندا حالىقارالىق تۇركى اكادەمياسى، ءال-فارابي اتىنداعى قازاق ۇلتتىق ۋنيۆەرسيتەتى جانە     يسلام ىنتىماقتاستىعى ۇيىمىنىڭ عىلىمي جانە تەحنيكالىق ىنتىماقتاستىق جونىندەگى تۇراقتى كوميتەتىنىنىڭ (COMSTECH) بىرلەسىپ ۇيىمداستىرۋىمەن «ءال-فارابي - يقبال» حالىقارالىق فورۋمى وتەدى.

فورۋمنىڭ ماقساتى شىعىس وركەنيەتى اياسىندا تۇركى جانە يسلام الەمى حالىقتارىنىڭ تاريحي جادى مەن وركەنيەتتىك بىرلىگى جونىندەگى سانانىڭ جاڭعىرۋىنا ىقپال ەتۋ، تۇركى اكادەمياسى مەن يىۇ-عا مۇشە ەلدەردىڭ ازاماتتارىن ءوزارا تانىسۋعا، ءبىر-ءبىرىنىڭ تاريحى مەن مادەنيەتى تۋرالى بىلىمدەرىن ناسيحاتتاۋعا،  يىۇ ەلدەرىنىڭ عىلىم مەن تەحنيكا سالاسىنداعى ۇزاق مەرزىمدى ىنتىماقتاستىعى ارتتىرۋعا باعىتتالعان.

وفلاين جانە ونلاين فورماتتا وتەتىن القالى جيىنعا تۇركى ەلدەرى مەن يىۇ-عا مۇشە ەلدەردىڭ گۋمانيتارلىق سالا عالىمدارى، شىعارماشىلىق زيالى قاۋىم وكىلدەرى، ديپلوماتيالىق جانە دەپۋتاتتىق كورپۋسىنىڭ وكىلدەرى، ساراپشىلارى قاتىسادى.

اتاپ ايتقاندا حالىقارالىق تۇركى اكادەمياسىنىڭ پرەزيدەنتى دارحان قىدىرالى, يىۇ عىلىم جانە تەحنولوگيالار جونىندەگى تۇراقتى كوميتەتىنىڭ (COMSCTECH) باس ۇيلەستىرۋشىسى يقبال چاۋدحاري, قر پرەزيدەنتى اكىمشىلىگى باسشىسىنىڭ ورىنباسارى – پرەزيدەنتتىڭ حالىقارالىق ىنتىماقتاستىق جونىندەگى ارناۋلى وكىلى ەرجان قازىحان، ءال-فارابي اتىنداعى قازاق ۇلتتىق ۋنيۆەرسيتەتىنىڭ باسقارما توراعاسى-رەكتورى جانسەيىت Tۇيمەباەۆ, قر ءبىلىم جانە عىلىم ءمينيسترىنىڭ ورىنباسارى قۋانىش ەرعاليەۆ, بۇۇ دامۋ باعدارلاماسىنىڭ قازاقستان رەسپۋبليكاسىنداعى تۇراقتى وكىلى ياكۋپ بەريش, تۇركسوي ۇيىمىنىڭ باس حاتشىسى سۇلتان راەۆ, يسلام تاريحى، ونەر مەن مادەنيەت عىلىمي-زەرتتەۋ ورتالىعىنىڭ (IRCICA) باس ديرەكتورى ماحمۋد ەرول كلىچ, پاكىستان سەناتىنىڭ ادام قۇقىقتارى جونىندەگى تۇراقتى كوميسسياسىنىڭ توراعاسى ۋاليد يقبال, قازاقستان رەسپۋبليكاسىنىڭ پاكىستان يسلام رەسپۋبليكاسىنداعى توتەنشە جانە وكىلەتتى ەلشىسى ەرجان قىستافين, پاكىستان يسلام رەسپۋبليكاسىنىڭ قازاقستان رەسپۋبليكاسىنداعى توتەنشە جانە وكىلەتتى ەلشىسى سادجاد احمەد سيحار، يسلام ىنتىماقتاستىعى ۇيىمى باس حاتشىسىنىڭ عىلىم جانە تەحنولوگيالار جونىندەگى كومەكشىسى Aسقار Mۋسينوۆ سىندى تۇلعالار قاتىسىپ، ءسوز سويلەيدى.

كونفەرەنتسيا اياسىندا يقبال فيلوسوفياسى: وتكەنى، بۇگىنى، بولاشاعى; يقبال فيلوسوفياسى مەن پوەزياسىنىڭ جاھاندىق اسەرى; ءححى عاسىر سىن-قاتەرلەرى جانە تەحنولوگيا  تاقىرىبى بويىنشا سەسسيالار وتەدى.

وسى ورايلى ساتتە سىزدەرگە زور قۇرمەتىمىزدى ءبىلدىرىپ، القالى جيىنىمىزعا  اقپاراتتىق قولداۋ كورسەتۋلەرىڭىزدى سۇرايمىز.

ەسكەرتپە:  شاراعا كەلەتىن  جۋرناليستەر مەن ءتۇسىرۋ توبىنىڭ ءتىزىمىن (اككرەديتاتسيا ءۇشىن) بۇگىن ساعات 18:00 دەيىن تومەندەگى كەستەگە تولتىرىپ،  +7 701 8111107 (WhatsApp) نەمەسە itapressa@gmail.com پوشتاسىنا جىبەرۋدى وتىنەمىز.

Abai.kz