تۇركىستان وبلىسى تۇلكىباس اۋدانى اكىمىنىڭ ورىنباسارى پارا الدى دەگەن كۇدىككە ءىلىندى. بۇل تۋرالى قر سىبايلاس جەمقورلىققا قارسى ءىس-قيمىل اگەنتتىگى رەسمي Telegram ارناسىندا جاريالادى.

«تۇركىستان وبلىسىنىڭ سىبايلاس جەمقورلىققا قارسى قىزمەتى تۇلكىباس اۋدانى اكىمىنىڭ ورىنباسارىنا قاتىستى جەڭىمپاز دەپ تانۋعا قولداۋ كورسەتكەنى جانە مەملەكەتتىك ساتىپ الۋ شارتىن جاساسقانى ءۇشىن قۇرىلىس كومپانياسىنىڭ ديرەكتورىنان 4 ميلليون تەڭگە سوماسىندا دەلدال ارقىلى پارا الۋ فاكتىسى بويىنشا سوتقا دەيىنگى تەرگەۋدى باستادى.

كۇدىكتى تۇلعالار ۇستالىپ، تۇركىستان قالالىق پب ۋاقىتشا ۇستاۋ يزولياتورىنا قامالدى»،-دەپ جازدى اگەنتتىك.

ايتا كەتەيىك، بۇعان دەيىن الماتى وبلىسى اۋىل شارۋاشىلىعى باسقارماسىنىڭ قىزمەتكەرلەرى 50 ملن تەڭگە ۇرلادى دەگەن كۇدىككە ىلىنگەن بولاتىن.

Abai.kz