"سىبايلاس جەمقورلىققا قارسى ءىس-قيمىل اگەنتتىگىنىڭ نۇر-Cۇلتان قالاسى بويىنشا دەپارتامەنتى "التىن ادامنىڭ الەم مۋزەيلەرىنە شەرۋى" حالىقارالىق كورمەسىن وتكىزۋگە قاتىستى جۇرگىزىلگەن مەملەكەتتىك ساتىپ الۋ تۋرالى شارت اياسىندا 146 ملن تەڭگە بيۋدجەت قاراجاتىنىڭ جىمقىرىلۋىنا بايلانىستى ۇلتتىق مۋزەيدىڭ لاۋازىمدى تۇلعالارى جانە باسقا دا تۇلعالارعا قاتىستى سوتقا دەيىنگى تەرگەپ-تەكسەرۋدى جۇرگىزەدى" دەپ جازىلعان اگەنتتىكتىڭ 29 مامىر كۇنگى حابارلاماسىندا.
مەكەمە تەرگەۋ قۇپيالىلىعىنا بايلانىستى قالعان اقپارات جاريالانبايتىنىن ايتتى.
ۇلتتىق مۋزەي ديرەكتورى، بۇرىنعى مادەنيەت جانە سپورت ءمينيسترى ارىستانبەك مۇحامەديۇلى مەن ۇلتتىق مۋزەيدە ءتىنتۋ بولعانى جونىندە اقپارات 16 مامىردا شىققان. كەيىن ەكس-ءمينيستردىڭ "سۋيتسيد جاساعانى" جايلى اقپارات تارادى، بىراق ونىڭ كومەكشىلەرى بۇل اقپاراتتى جوققا شىعاردى. ارتىنشا ەكس-مينيستر پرەزيدەنت قاسىم-جومارت توقاەۆقا ۇندەۋ جاساپ، جەمقورلىقپەن كۇرەس اگەنتتىگىنىڭ وزىنە قاتىستى تەرگەۋ باستاعانىن راستاپ، ءىستىڭ استارى تۋرالى بولجامىن ايتقان.
بۇعان دەيىن سىبايلاس جەمقورلىققا قارسى ءىس-قيمىل اگەنتتىگى ۇلتتىق مۋزەيدىڭ لاۋازىمدى تۇلعالارى 146 ملن تەڭگە قاراجاتتى ۇرلادى دەگەن كۇدىككە ءىلىنىپ وتىرعانىن حابارلاعان.
وسى اپتا سوڭىندا مۇحامەديۇلىنىڭ نۇر-سۇلتانداعى ۋاقىتشا قاماۋ يزولياتورىنا قامالعانى ايتىلدى.
2019 جىلدىڭ شىلدەسىنەن باستاپ ۇلتتىق مۋزەيگە جەتەكشىلىك ەتكەن ارىستانبەك مۇحامەديۇلى ونىڭ الدىندا بىرقاتار ۇزىلىستەرمەن مادەنيەت جانە سپورت ءمينيسترى بولعان. 2008-2014 جىلدارى ارالىعىندا جۇرگەنوۆ اتىنداعى قازاق ۇلتتىق ونەر اكادەمياسىنىڭ رەكتورى بولعان.
Abai.kz
