جۋىردا ulysmedia.kz سايتى اتالعان سۇراق توڭىرەگىندە: «ەلباسى ءباا-كە كەتتى مە؟» اتتى ماقالا جاريالاپتى.

وندا بىرىككەن اراب امىرلىكتەرىنىڭ ادىلەت ءمينيسترى سۇلتان اۆاد ءان-نۋايمي-ءدىڭ قازاقستاننىڭ ەكس-پرەزيدەنتى مەن ونىڭ وتباسى مۇشەلەرىنە ءباا ازاماتتىعىن بەرۋ تۋرالى سوزىنە ەكپىن بەرە جازىپتى.

ءباا ادىلەت ءمينيسترى: «بۇل ازاماتتار ءبىر پاسپورت ءۇشىن 1 ملرد دوللار تولەۋگە ءازىر. مۇنداي ادامدار ءبىزدىڭ ەلىمىزدە ءومىر سۇرۋگە لايىقتى دەپ ەسەپتەيمىن»، - دەپتى-مىس.

«بىلتىرعى جىلدىڭ قىركۇيەگىنەن بەرى ءباا ادىلەت ءمينيسترى لاۋازىمىن اتالعان ادام اتقارىپ كەلەدى. بىراق، ونىڭ ەسىمى – ابدۋللا ەمەس،ابدوللا.

ال ءباا كونستيتۋتسياسىنىڭ ازاماتتىق تۋرالى زاڭىنا وزگەرتۋلەر بىلتىرعى جىلدىڭ اياعىندا ەنگىزىلگەن. ازاماتتىق الۋعا ۇمىتتىلەر بىرنەشە تالاپتى ورىنداۋى ءتيىس.

ەگەر ماسەلە اقشا تۋرالى بولسا، ينۆەستورلار ءباا اۋماعىندا جىلجىمايتىن مۇلىك جانە ءباا ەكونوميكا مينيسترلىگى ماقۇلداعان پاتەنت الۋى ءتيىس.

ءباا مۇعالىمدەردى، ينجينەرلەردى، دارىگەرلەردى، عالىمدار مەن ونەر يەلەرىن قابىلداۋعا دايىن. بىراق، ولار وزدەرىنىڭ سالاسىندا 10 جىلدان كەم جۇمىس ءوتىلى جانە حالىقارالىق ماراپاتتارى بولۋى ءتيىس»، - دەپ جازىپتى.

«Ulysmedia.kz» سايىتىنىڭ جەكە سۇراۋۆنا قر سىرتقى ىستەر مينيسترلىگى جاۋاپ بەرىپتى. بۇل ماسەلەگە قاتىستى حابارسىز ەكەندىكتەرىن ايتىپ، قر زاڭدارى بويىنشا قوس ازاماتتىققا جول جوق ەكەنىن ەسكە سالعان. سونداي-اق، نازارباەۆتىڭ ەلدەن كەتكەن-كەتپەگەندىگىن كوشى-قون پوليتسياسىنان سۇراۋعا كەڭەس بەرىپتى.

ايتا كەتەيىك، «قارالى قاڭتار» وقيعاسىنان كەيىن نازارباەۆ اۋلەتىنىڭ بىرقاتار مۇشەلەرى بىرىككەن اراب امىرلىكتەرىنە كوش بۇرعانى تۋرالى وقتىن-وقتىن ايتىلىپ، جازىلىپ ءجۇر. ال نۇرسۇلتان نازارباەۆتىڭ ءوزى قازاقستاندا ەكەنىن ايتىپ، ەلوردادا بىرنەشە كەزدەسۋ وتكىزگەن.

Abai.kz