ءبىرىنشى ماۋسىمدا نۇر-سۇلتان قالاسىندا «مەنىڭ اتىم قوجا» شىعارماسىنىڭ كەيىپكەرىنە ورناتىلعان ەسكەرتكىش رەسمي اشىلادى. بۇل تۋرالى اكىمدىكتىڭ ءباسپاسوز قىزمەتى حابارلاعان.

شارا قازاقستانداعى «بالالار جىلى» اياسىندا ۇيىمداستىرىلىپ وتىر.

1963 جىلى «مەنىڭ اتىم قوجا» شىعارماسى جەلىسىمەن «قازاقفيلم» ستۋدياسى تۇسىرگەن بالالار فيلمىندەگى كەيىپكەر قوجاعا ورناتىلعان ەسكەرتكىشتىڭ جالپى بيىكتىگى 183 سم، قولا، گرانيت ماتەريالدارىنان جاسالعان. يدەيانىڭ اۆتورى مۇرات قوجامقۇلوۆ، ءمۇسىنشى تالاپحان ازامات.

«مەنىڭ اتىم قوجا» - قازاق بالالار ادەبيەتىنىڭ وزىق تۋىندىلارىنىڭ ءبىرى سانالاتىن پوۆەسى 1957 جىلى جازىلعان. اۆتورى – بالالار ادەبيەتىنىڭ كلاسسيگى بەردىبەك سوقپاقباەۆ. ول ورىس، ۋكراين، فرانتسۋز، ليتۆا، لاتىش، وزبەك تىلدەرىنە اۋدارىلدى. «قازاقفيلم» ستۋدياسى شىعارما جەلىسى بويىنشا فيلم ءتۇسىرىپ، ول 1963 جىلى جارىققا شىقتى.

ەسكەرتكىشتىڭ رەسمي اشىلۋى ەرتەڭ ساعات 11.00-دە «جەتىسۋ» ساياباعىندا وتەدى.

قازتاي جانەركە جاندوسقىزى

Abai.kz