بۇگىن نيۋ-دەلي قالاسى ء(ۇندىستان) سان مارتين پارك سكۆەرىندە قازاقتىڭ ۇلى ويشىلى اباي قۇنانبايۇلى ءبيۋستىنىڭ سالتاناتتى اشىلۋ ءراسىمى ءوتتى. بۇل تۋرالى ساۋدا جانە ينتەگراتسيا مينيسترلىگى ءباسپاسوز قىزمەتى حابارلادى.

ءىس-شاراعا قر پرەمەر – ءمينيسترىنىڭ ورىنباسارى-ساۋدا جانە ينتەگراتسيا ءمينيسترى باقىت سۇلتانوۆ، ءۇندىستاننىڭ سىرتقى ىستەر جانە مادەنيەت مەملەكەتتىك ءمينيسترى ميناكشي لەكحي، سونداي-اق ديپلوماتيالىق كورپۋس وكىلدەرى قاتىسقان.

«اباي – ۇلى اقىن عانا ەمەس، كەمەڭگەر ويشىل، ايگىلى اعارتۋشى. ول جۇرتتى عىلىم يگەرۋگە، ءبىلىمدار بولۋعا ۇندەدى. جاڭاشىلدىق پەن جاسامپازدىقتى دارىپتەدى. اباي مۇراسى – ءبىزدىڭ ەلىمىزگە عانا ەمەس، بارشا ادامزاتقا ورتاق قۇندىلىق»، - دەدى ب. سۇلتانوۆ.

باقىت سۇلتانوۆ اباي ءبيۋستىنىڭ ورناتىلۋى ەكى ەل اراسىنداعى رۋحاني ىنتىماقتاستىقتى ودان ءارى نىعايتا تۇسەتىنىن اتاپ ءوتتى. سونداي-اق تاراپتار ءبىلىم، عىلىم جانە مادەنيەت سالاسىنداعى ىنتىماقتاستىقتى دامىتۋدى جالعاستىرادى.

Abai.kz