بۇل جونىندە 1 ماۋسىمدا Hürriyet گازەتى حابارلادى.

حالىقتىق ءوزىن قورعاۋ وتريادى (حقو) - باسىم بولىگى كۇردتەردەن قۇرالعان سيريالىق اسكەري ۇيىم. ولار سيريانىڭ سولتۇستىك-شىعىس بولىگىن باقىلايدى. بۇل ۇيىم باتىس ەلدەرىنىڭ قولداۋىمەن "يسلام مەملەكەتى" تەرروريستىك ۇيىمىنا قارسى كۇرەسكەن.

انكارا بۇل ۇيىمعا ۇنەمى قارسى، سەبەبى كۇردىستاننىڭ جۇمىسشىلار پارتياسىمەن بايلانىسى بار دەپ ەسەپتەيدى. اتالعان پارتيا تۇركيادان كۇردتەر اۆتونومياسىن قۇرۋدى تالاپ ەتىپ كەلەدى.

اقش مەملەكەتتىك حاتشىسى ەنتوني بلينكەن تۇركياعا ەسكەرتۋ جاسادى. "اسكەري وپەراتسياعا ءبىز قارسى بولامىز", - دەپ مالىمدەدى ول سارسەنبى كۇنى ناتو باس حاتشىسى يەنس ستولتەنبەرگپەن وتكىزگەن ءباسپاسوز ءماسليحاتى كەزىندە.

انكارا 2016 جىلدان بەرى سيريادا ءتورت بىردەي اسكەري وپەراتسيا جۇرگىزدى. بۇل جولى تۇركيا حقو-نى ىعىستىرىپ، سيريا بوسقىندارىنا ارنالعان ارنايى ايماق قۇرامىز دەيدى.

Abai.kz