ەۋرازيالىق ەكونوميكالىق وداقتىڭ تۇراقتى ارەكەت ەتەتىن رەتتەۋشى ورگانى قۇرامىنا باقىتجان ساعىنتاەۆ كىردى. بۇدان بىلاي قازاقستاننىڭ ەكس-ۇكىمەت باسشىسى ەۋرازيالىق ەكونوميكالىق كوميسسيانىڭ ەكونوميكا جانە قارجى ساياساتى جونىندەگى القا مۇشەسى (مينيستر) بولىپ قىزمەت اتقارادى، دەپ جازدى Aikyn.kz. 

باقىتجان ساعىنتاەۆتىڭ مول تاجىريبەسى ەاەو جۇمىسىنا جاڭاشا دەم بەرەرى ءسوزسىز. ۇيىم كوزدەگەن ەكونوميكالىق شەشىمدەر بارلىق ەلگە وڭتايلى بولۋى شارت. ەستەرىڭىزگە سالا كەتەيىك،  قازىر  ەەك قۇرامىندا 5 ەل ۇسىنعان وكىل بار: ارمەنيا، بەلارۋس، قازاقستان، قىرعىز رەسپۋبليكاسى جانە رەسەي فەدەراتسياسى. قازاقستان تاراپى ۇسىنعان باقىتجان ساعىنتاەۆتىڭ كانديداتۋراسىن وزگە ءتورت ەلدىڭ وكىلدەرى ءبىراۋىزدان قولدادى.

كوميسسيانىڭ شەشىمدەرى ەاەو مۇشە مەملەكەتتەردىڭ اۋماقتارىندا ورىندالۋعا مىندەتتى بولادى.

Abai.kz