قازاقستاننىڭ قايرات ساتىبالدىعا ءبىر تيىن تولەگىسى جوق.

"قازاقتەلەكوم" اق اكتسيونەرلەر جينالىسىندا 2021 جىلدىڭ ديۆيدەندتەرىن تولەۋ بويىنشا ماسەلە قارالىپ، ول تۇسىنىكسىز نوتادا اياقتالدى.

ءاۋ باستا "قازاقتەلەكوم" اق ديرەكتورلار كەڭەسى ءار اكتسياعا 3590 تەڭگە ديۆيدەند تولەۋدى ۇسىنعان. اكتسيونەرلەرگە 20 ميلليارد تەڭگە تولەنۋى ءتيىس ەدى. بىراق، 51% اكتسياعا يەلىك ەتەتىن "سامۇرىق-قازىنا" قورى وسى ۇسىنىسقا قارسى داۋىس بەردى.

ونىڭ سەبەبى، 2021 جىلى قازاقتەلەكومنىڭ 24,46% اكتسياسى قايرات ساتىبالدىنىڭ "Skyline Investment" كومپانياسىنا تيەسىلى بولدى. مەملەكەت ول اكتسيالاردى تەك جاقىندا عانا ءوز پايداسىنا جازدىرىپ الدى. اكتسيا ۇستاۋشىلار رەەسترىنە ساي، ساتىبالدى ديۆيدەندتەگى ءوز ۇلەسىنە تالاسىپ، 20 ميلليارد تەڭگەنىڭ 9 ميللياردىن الۋ مۇمكىندىگىنە يە بولار ەدى.

مەملەكەتتىڭ ازىرگە ديۆيدەند تولەمەي، از ۋاقىتتا كومپانيانىڭ ديۆيدەندتىك ساياساتى بويىنشا كۇجاتىن وزگەرتىپ الۋعا اسىققانىن وسىلاي تۇسىندىرۋگە بولادى.

Abai.kz