بيىلعى بالالار جىلىنا وراي الماتىدا مەكتەپ وقۋشىلارى اراسىندا IT-حاكاتوننان جارىس ءوتتى. جارىس Almaty Bala Fest فەستيۆالى اياسىندا ۇيىمداستىرىلعان. وعان 300-دەن استام وقۋشى قاتىستى.

روبوتوتەحنيكا، ءموبيلدى قوسىمشالاردى ازىرلەۋ، سايت قۇرۋ، 3D مودەلدەۋ باعىتتارى بويىنشا وتكىزىلگەن جوبانىڭ نەگىزگى ماقساتى – بالالاردىڭ شىعارماشىلىق، زياتكەرلىك قابىلەتىن دامىتۋ.

سايىس جەڭىمپازدارىنا جازعى IT لاگەرىنە جولداما بەرىلەدى.

«بۇگىن ءبىزدىڭ مەكتەپتە اۋقىمدى ءىس-شارا وتكىزىلىپ جاتىر. قالالىق فەستيۆال IT-حاكاتون «بالالار جىلىنا» ارنالعان.  بۇكىل الماتىدان دارىندى بالا كەلىپ تۇر. ساتتىلىك تىلەيمىن»، – دەدى №144 مەكتەپ-گيمنازياسىنىڭ ديرەكتورى ءاليا سالاماتوۆا.

«بۇگىنگى بالالارىمىز اۆتومات روبوتتار جاساپ جاتىر. بۇنىڭ ىشىندە مەنىڭ دە بالالارىم بار. بۇل مەكتەپكە وزىمدە كومەكتەسەمىن. 58 بالا بار سولارعا كومەكتەسىپ ءجۇرمىن 144-ءشى مەكتەپكە»، – دەدى قحا كەڭەسىنىڭ مۇشەسى دولقۋنتاي ابدۋحاليل.

Abai.kz