بۇگىن ەلىمىزدە 12 355 تۇلەك  مەكتەپ ءبىتىردى. ونىڭ ىشىندە 613 تۇلەك «التىن بەلگىگە»، 973 تۇلەك ۇزدىك اتتەستاتقا ۇمىتكەر.

«الدا ۇلكەن سىناق – مەملەكەتتىك ەمتيحان جانە ۇلتتىق بىرىڭعاي تەستىلەۋ. وسى سىننان بارلىقتارىڭىز سۇرىنبەي وتۋگە شىن جۇرەكتەن تىلەكتەسپىن. العان بىلىمدەرىڭىزدىڭ ارقاسىندا سىزدەر الەمنىڭ نەمەسە ەلىمىزدىڭ كەز كەلگەن جوعارى وقۋ ورنىن تاڭداي الاسىزدار. تەك الماتىنىڭ وزىندە 36 جوعارى ورنى بار. تاڭداعان وقۋ ورىندارىڭىزعا ءتۇسىپ، قالاعان ماماندىق يەسى بولىڭىزدار»، دەدى الماتى اكىمى الماتى تۇلەكتەرىنە جولداعان ۇندەۋىندە.

بيىلعى جىلى 2022 جىلعى 26 مامىر مەن 17 ماۋسىم ارالىعىندا ءبىلىم بەرۋ ساپاسىن ارتتىرۋ جانە پاندەميا مەن شەكتەۋ شارالارى كەزەڭىندە جىبەرىلگەن بىلىمدەگى ولقىلىقتاردىڭ ورنىن تولتىرۋ ماقساتىندا وقۋشىلار ءۇشىن قوسىمشا وقىتۋ ۇيىمداستىرىلاتىن بولادى.

9, 11-سىنىپ وقۋشىلارى ءۇشىن قورىتىندى ەمتيحاندار بەكىتىلگەن كەستەگە سايكەس وتكىزىلەدى. 9-سىنىپتاردا 28 مامىردان 6 ماۋسىم، ال 11-سىنىپتاردا 27 مامىر مەن 10 ماۋسىم ارالىعىندا وتەدى. 11-سىنىپ تۇلەكتەرى قازاقستان تاريحى بويىنشا اۋىزشا ەمتيحان تاپسىرادى.

بيىلعى جىلدان  باستاپ تالاپكەرلەرگە ۇبت تاپسىرۋعا جانە گرانتقا تۇسۋگە ەكى مۇمكىندىك بەرىلەدى. ەكى مۇمكىندىكتىڭ كومەگىمەن تەك مامانداندىرىلعان پاندەردىڭ ءبىر كومبيناتسياسىن تاڭداۋعا بولادى. ۇلتتىق بىرىڭعاي تەستىلەۋ 16 مامىردا باستالىپ، 5 شىلدەدە اياقتالادى.

Abai.kz