ءسۇيىنشى! «جالىن» باسپاسىنان «جاس تولقىن» سەرياسىمەن  جاس اۆتورلاردىڭ كىتاپتارى جارىق كوردى.  كىتاپتار مادەنيەت جانە اقپارات ءمينيسترى دارحان مىڭبايدىڭ باستاماسىمەن   اقپارات جانە مۇراعات كوميتەتى «ادەبيەتتىڭ الەۋمەتتىك ماڭىزدى تۇرلەرىن باسىپ شىعارۋ» باعدارلاماسى بويىنشا وقىرمان قاۋىمعا جول تارتتى.

ءسۇيىنشى! «جالىن» باسپاسىنان «جاس تولقىن» سەرياسىمەن  جاس اۆتورلاردىڭ كىتاپتارى جارىق كوردى.  كىتاپتار مادەنيەت جانە اقپارات ءمينيسترى دارحان مىڭبايدىڭ باستاماسىمەن   اقپارات جانە مۇراعات كوميتەتى «ادەبيەتتىڭ الەۋمەتتىك ماڭىزدى تۇرلەرىن باسىپ شىعارۋ» باعدارلاماسى بويىنشا وقىرمان قاۋىمعا جول تارتتى.

مينيستر دارحان مىڭباي القالى ءبىر جيىنداعى بايانداماسىندا «جاھاندىق تۇراقسىزدىق جاعدايىندا قازاقستان قوعامى قانداي بولۋى كەرەك؟ ءبىزدىڭ يگەرىلمەگەن قورلارىمىز بەن مۇمكىندىكتەرىمىز قانداي؟ سونداي-اق تاعى دا نە جاساۋعا بولادى دەگەن سۇراقتاردىڭ جاۋابىن  ەلباسىمىزدىڭ جالپىعا ورتاق ەڭبەك قوعامىنا ءوتۋ يدەياسىنان كورەمىز» دەگەن ەدى. پرەزيدەنت اتالعان تەزيستىك ماقالاسىندا  ماسىلدىق پسيحولوگياعا قارسى وتكىر ويلارىن قوعام تالقىسىنا ۇسىنا وتىرىپ: «جالپى مۇنداي پسيحولوگياعا ادىلدىككە نەگىزدەلگەن شىنايى ەڭبەك قانا لايىقتى جۋاپ بەرەتىنىن ەسكەرسەك، قوعام مۇشەلەرىنىڭ ەڭبەك ەتۋىنەن باستاپ ونىڭ ماراپاتقا جەتۋىنە دەيىنگى جولى ەلدىڭ كوز الدىندا ءوتۋى ءتيىس. ءادىل ەڭبەك ادام بويىنداعى تولايىم رۋحتىڭ كورسەتكىشى. ءدال سونداي رۋح قانا ەرىك، جىگەردى تاربيەلەپ، كۇشتى جانىپ، وتانشىلدىق سەزىمىن قالىپتاستىرادى»، -  دەيدى. ەلباسىنىڭ وسى سوزدەرىنەن مىسال كەلتىرە سويلەگەن دارحان مىڭباي مىرزا شىعارماشىلىققا دەگەن قۇلشىنىس جاس اۆتورلاردىڭ دا بويىنان تابىلۋى قاجەت ەكەندىگەن ەسكەرتكەن. ال جاستاردىڭ شابىتتى قۇلشىنىسىن وياتاتىن مۇمكىندىك ولاردىڭ وي-تولعامدارىنا ەركىندىك بەرىپ، قانات بايلاۋ بولىپ تابىلادى. قىسقاسى، جاس اقىندار مەن جازۋشىلار بيلىك تاراپىنان ناقتى قولداۋدىڭ بار ەكەندىگىنە كوز جەتكىزدى. ول - «جالىن» باسپاسىنان جارىق كورگەن «جاس تولقىن» سەرياسى.   وسى رەتتە مەن اتالعان سەريا بويىنشا شىققان كىتاپ اۆتورلارىنىڭ اتىنان مينيستر دارحان مىڭباي مىرزاعا شەكسىز العىسىمدى بىلدىرەمىن! ول كىسىنىڭ ادەبيەتتەگى جاس بۋىن وكىلدەرى ءۇشىن جاساعان  يگىلىكتى ءىسى  تۋعان ۇلتىنىڭ دامۋىنا قوسقان ەلەۋلى ءبىر ۇلەسى دەپ بىلەمىن.

«Abai.kz»