ءماجىلىس دەپۋتاتتارى قارجىلىق (ينۆەستيتسيالىق) پيراميدالار قىزمەتىنە قارسى ءىس-قيمىل ماسەلەلەرى جونىندەگى زاڭ جوباسىن ءبىرىنشى وقىلىمدا ماقۇلدادى. الداعى ۋاقىتتا قارجى پيراميدالارىن جارنامالاعاندار قىلمىستىق جاۋاپكەرشىلىككە تارتىلادى.

«زاڭنىڭ 217-بابىندا انىق جازىلعانداي، ەندى تانىمال تۇلعالار ونىڭ ىشىندە انشىلەر مەن بلوگەرلەر، ۆاينەرلەر قارجىلىق ونىمگە قاتىستى جارناما جاريالار الدىندا وتە مۇقيات بولۋى كەرەك. بۇل ءۇشىن زاڭ اياسىندا قىلمىستىق جاۋاپكەرشىلىك كوزدەلگەن. ونىڭ ىشىندە 2000 اەك جانە 600 ساعاتتىق قوعامدىق جۇمىسقا تارتىلۋ، ءتىپتى 2 جىلعا دەيىن باس بوستاندىعىنان ايىرۋ كوزدەلگەن. بىرلەسكەن توپتار ءۇشىن قىلمىستىق جازا 3-7 جىل ارالىعىندا بولۋى ءمۇمىن جانە مۇلكىن تاركىلەۋ كوزدەلگەن. بۇل وتە قاتاڭ شارا دەپ ايتار ەدىم»، - دەدى ءماجىلىس دەپۋتاتى يۋري ۆيسساريونوۆيچ لي.

ايتا كەتەيىك، بۇعان دەيىن تانىمال ۆاينەرلەردىڭ جارناماسىنا سەنىپ، قارجىلىق پيراميدالارعا اقشا سالعان ادامدار 54 ملرد تەڭگەدەن ايىرىلعان.

Abai.kz