قارجى مونيتورينگى اگەنتتىگى جىل باسىنان بەرى 220 ملرد تەڭگە قارجىنى ەلدەن الىپ شىعۋ ءۇشىن 113 كۇدىكتى وپەراتسيا جاسالعان. بۇل تۋرالى قارجى مونيتورينگى اگەنتتىگى توراعاسىنىڭ ءبىرىنشى ورىنباسارى عابيت سادىرباەۆ مالىمدەدى.

«ءبىز كۇدىكتى وپەراتسيالاردى توقتاتامىز، سودان سوڭ قۇقىق قورعاۋ ورگاندارىنا جولدايمىز. سوڭعى بەس ايدىڭ ىشىندە 220 ملرد تەڭگە قارجىنى قۇراعان 113 كۇدىكتى وپەراتسيانى توقتاتتىق»،-دەدى ول.

سادىرباەۆ اكتيۆتەردى قايتارۋ تۋرالى جۇمىستىڭ كىمدەرگە قاتىستى جۇرگىزىلىپ جاتقانىن ايتپادى.

«بۇل تەرگەۋ قۇپياسىنا كىرۋى مۇمكىن. اكتيۆتەردى قايتارۋ قىلمىستىق ىستەر اياسىندا جۇزەگە اسادى. ول ءۇشىن سوت ۇكىمى بولۋى كەرەك، سوت ۇكىمىنەن كەيىن تەرگەۋ تاپسىرمالارى جىبەرىلەدى، حالىقارالىق كەلىسىم بولۋى كەرەك، سودان كەيىن عانا كەيبىر قاراجاتتى قايتارۋ تۋرالى ايتۋعا بولادى. بۇل ءبىر كۇننىڭ شارۋاسى ەمەس»،-دەدى قارجى مونيتورينگى اگەنتتىگىنىڭ وكىلى.

Abai.kz