16 قاراشادا ەلباسى نۇرسۇلتان ءابىشۇلى نازارباەۆتىڭ قاتىسۋىمەن «نۇر وتان» حالىقتىق دەموكراتيالىق پارتياسىنىڭ «جاس وتان» جاستار قاناتىنىڭ رەسپۋبليكالىق ءىى سەزى وتكىزىلەدى. ءدال وسى جيىندا جاستار ساياساتىنىڭ 2020 جىلعا دەيىنگى دامۋ ستراتەگياسى قابىلدانىپ، ناقتى ءىس-شارالار بەكىتىلمەك. مەملەكەتتىك جاستار ساياساتىنىڭ الداعى دامۋ باعىتى مەن جاستاردىڭ رۋحىن كوتەرەر جيىننان كۇتەرىمىز مول.

16 قاراشادا ەلباسى نۇرسۇلتان ءابىشۇلى نازارباەۆتىڭ قاتىسۋىمەن «نۇر وتان» حالىقتىق دەموكراتيالىق پارتياسىنىڭ «جاس وتان» جاستار قاناتىنىڭ رەسپۋبليكالىق ءىى سەزى وتكىزىلەدى. ءدال وسى جيىندا جاستار ساياساتىنىڭ 2020 جىلعا دەيىنگى دامۋ ستراتەگياسى قابىلدانىپ، ناقتى ءىس-شارالار بەكىتىلمەك. مەملەكەتتىك جاستار ساياساتىنىڭ الداعى دامۋ باعىتى مەن جاستاردىڭ رۋحىن كوتەرەر جيىننان كۇتەرىمىز مول.

ساكەن مىڭباەۆ، «جاس وتان» جاستار قاناتىنىڭ ماڭعىستاۋ وبلىستىق فيليالىنىڭ اتقارۋشى حاتشىسى:
- «جاس وتان» جاستار قاناتىنىڭ رەس­پۋب­ليكالىق ءىى سەزىن اسىعا كۇتىپ وتىر­مىز. ويتكەنى ءدال وسى سەزدە مەملەكەتتىك جاستار ساياساتىنىڭ الداعى دامۋ باعىت­تارى مەن نەگىزگى ءىس-شارالار تىزبەگى بە­كى­تىلەدى. «جاس وتان» جاستار قاناتى كۇن ساناپ قاناتىن كەڭگە جايۋدا. بۇگىندە بەلسەندى «جاسوتاندىقتاردىڭ» سانى 200 مىڭنان اسىپ جىعىلادى. ەلدىڭ تۇكپىر-تۇكپىرىندە جاستارمەن بىرلەسە جۇمىس ىستەپ جاتقان بىردەن-ءبىر ۇيىم دا - «جاس وتان» جاستار قاناتى. ەلباسى نۇرسۇلتان ءابىشۇلى نازارباەۆتىڭ سەزگە ارنايى قاتىسۋى دا بەلسەندى جاستاردى ءبىر سەر­پىلتىپ تاستايتىنى انىق. مەملەكەت باس­شىسى سەزگە قاتىسۋ ارقىلى ەل بولاشا­­­­­عى - جاستارعا ۇلكەن سەنىم ارتاتىنىن كور­سەتەدى. الداعى جيىندا «جاس وتان» جاستار قاناتىنىڭ 2020 جىلعا دەيىنگى دامۋ ستراتەگياسى بەكىتىلمەك. بۇل تەك «جاسوتاندىقتار» ءۇشىن عانا ەمەس، جالپى ەلىمىزدەگى بارشا جاستار ءۇشىن قاجەتتى باعدارلاما. ءدال وسى ستراتەگيا ارقىلى جاستاردىڭ بىرقاتار پروبلەمالارى وڭتايلى شەشىمىن تابادى دەگەن سەنىمىمىز بار. سەبەبى قۇجاتتا جاس وتباسىن، جاس كاسىپكەرلەردى قولداۋمەن قاتار، جاستارعا ساپالى ءھام الەمدىك ستاندارتتارعا ساي ءبىلىم بەرۋ ماسەلەلەرى دە جان-جاقتى قام­تىلعان. «جاس وتان» جاستار قاناتىنىڭ ءىى رەسپۋبليكالىق سەزىنىڭ جۇمىسىنا تەك قانا ساتتىلىكتەر تىلەيمىن. ەلدىڭ دامۋىنا بىرىگىپ اتسالىسايىق دەگىم كەلەدى جاس­تارعا.
نۇربول باكيروۆ، «جاس وتان» جق قىزىلوردا وبلىسى جاڭاقورعان اۋداندىق فيليالىنىڭ اتقارۋشى حاتشىسى:
- ۇستىمىزدەگى جىلدىڭ 16 قاراشاسىندا استانا قالاسىندا ەلباسىنىڭ قاتىسۋى­مەن «نۇر وتان» حدپ «جاس وتان» جق ءىى سەزى وتەدى. سەزد جۇمىسى بارىسىندا «جاستار - وتانعا» اتتى 2020 جىلعا دەيىن­گى «جاس وتان» جق ستراتەگياسى قابىل­دانادى. ماڭىزدى قۇجات قابىل­دانعان ساتتەن باستاپ، مەملەكەتتىك جاستار ساياساتىنىڭ ودان ءارى كەڭ ەتەك جايۋىنا ىقپال ەتەتىنى ءسوزسىز. الداعى ۋاقىتتا «جاسوتاندىقتاردى» سەرپىندى جوبالار مەن ناتيجەلى جۇمىستار كۇتىپ تۇر. ەل دامۋى جولىندا جاستار ايانىپ قالمايدى دەپ بىلەمىن. سەزد جۇمىسىنا ساتتىلىك تىلەيمىن.

"اباي-اقپارات"