ۇلت كوسەمى، قازاقتىڭ دارا ءبىلىم بەرۋ جۇيەسىن قالىپتاستىرۋشى احمەت بايتۇرسىنۇلىنىڭ تۋعانىنا 140 جىل تولۋىنا وراي، 8 - 11 سىنىپ وقۋشىلارى اراسىندا «ۇلتتىق ءتىل عىلىمىنىڭ كوشباسشىسى جانە بۇگىنگى قازاق ءتىلىنىڭ قولدانىلۋى» اتتى احاڭنىڭ قالامىنان تۋعان شىعارمالارىن وقۋ بايقاۋى ءوتتى. «نۇر وتان» حالىقتىق دەموكراتيالىق پارتياسى جانىنداعى «جاس وتان» جاستار قاناتى الماتى قالالىق فيليالى مەن الماتى قالاسى اكىمدىگىنىڭ ىشكى ساياسات باسقارماسى ۇيىمداستىرىپ وتىرعان قالالىق بايقاۋعا سەن تۇر مەن اتايىن دەگەن 21 وقۋشى قاتىسىپ، قالامگەردىڭ تاعىلىمدى ولەڭدەرىن تەبىرەنە جىرلادى.

ۇلت كوسەمى، قازاقتىڭ دارا ءبىلىم بەرۋ جۇيەسىن قالىپتاستىرۋشى احمەت بايتۇرسىنۇلىنىڭ تۋعانىنا 140 جىل تولۋىنا وراي، 8 - 11 سىنىپ وقۋشىلارى اراسىندا «ۇلتتىق ءتىل عىلىمىنىڭ كوشباسشىسى جانە بۇگىنگى قازاق ءتىلىنىڭ قولدانىلۋى» اتتى احاڭنىڭ قالامىنان تۋعان شىعارمالارىن وقۋ بايقاۋى ءوتتى. «نۇر وتان» حالىقتىق دەموكراتيالىق پارتياسى جانىنداعى «جاس وتان» جاستار قاناتى الماتى قالالىق فيليالى مەن الماتى قالاسى اكىمدىگىنىڭ ىشكى ساياسات باسقارماسى ۇيىمداستىرىپ وتىرعان قالالىق بايقاۋعا سەن تۇر مەن اتايىن دەگەن 21 وقۋشى قاتىسىپ، قالامگەردىڭ تاعىلىمدى ولەڭدەرىن تەبىرەنە جىرلادى.

احمەت بايتۇرسىنۇلى - قازاق ءتىل ءبى­لىمى مەن ادەبيەتتانۋ عىلىمدارىنىڭ نە­گىزىن سالۋشى، ۇلتتىق جازۋدىڭ رەفور­ماتورى. ونىڭ «وقۋ قۇرالى» - قازاقشا جازىلعان تۇڭعىش الىپپەنىڭ ءبىرى. ول - قازىردىڭ وزىندە ادىستەمە تۇرعىسىنان ماڭىزدى وقۋلىق. سونداي-اق قازاق ءتىلىنىڭ شامىن جاعىپ، ءتىل زاڭدىلىقتارى مەن گرامماتيكاسىنىڭ نەگىزىن قالاپ كەتكەن احمەتتىڭ ءۇش بولىمنەن تۇراتىن «ءتىل قۇرال» اتتى ۇلكەن وقۋلىعىندا ال­عاش رەت فونەتيكا، مورفولوگيا، سين­تاكسيس ۇعىمدارىنا كەڭىنەن تالداۋلار بەرىلگەن.
الاش ارىسى احمەت بايتۇرسىنوۆتىڭ قۇرمەتىنە ارنالىپ جازۋشىلار وداعىندا وتكەن ءداستۇرلى وقۋ جارىسىنا الماتى ءبىلىم باسقارماسىنىڭ قولداۋىمەن الماتى قالاسىنداعى 7 اۋداننىڭ مەكتەپتەرىنەن ءۇش وقۋشىدان ىرىكتەلىپ الىندى. بارلىعى 21 قاتىسۋشى احمەت بايتۇرسىنۇلىنىڭ حالقىنىڭ كۇيىن كۇپتەگەن، قاجەتتىلىگىن دىتتەگەن «ەلگە ءسا­لەم»، «عىلىم»، «جۇرتىم»، «اشىق حات»، «جاۋعا تۇسكەن جان ءسوزى»، «اقىن ىنىمە»، «جيعان-تەرگەن»، «قازاق سالتى»، «وگىز بەن باقا»، «اينا مەن مايمىل» اتتى شىعارمالارىن بايقاۋعا قاتىسۋ­شى­لار­دىڭ ارقايسىسى وزىنشە ىرعاقپەن جىر­لاپ، شىعارما مازمۇنىنا تەرەڭ بويلاپ، كوركەمدەپ جەتكىزدى. «ولەڭ ءسوزدىڭ پات­شاسى، ءسوز ساراسى» دەمەكشى، ارقايسىسى اعارتۋشىنىڭ قيىننان قيىستىرىپ، ورنەكتەي ورىلگەن، ويلى دا ورايلى ولەڭ­دەرى مەن مىسالدارىن بالىن تامىزا ءما­نەرلەپ وقىدى.
ۇلى تالىمگەردىڭ اباقتىدا وتىرىپ اناسىنا جازعان حاتى وقۋشىلارعا قاتتى ۇنادى ما، بالكىم، وسى ولەڭدى وقۋ جا­رىسىندا بەس قاتىسۋشى بىردەي ورىندادى. ارينە، ارقايسىسى وزىنشە جاقسى جەتكىزە ءبىلدى. دەگەنمەن ادىلقازىلار كەلەر جولى مۇنداي جايتتاردى ەسكەرۋ كەرەكتىگىن العا تارتتى.
قازىلار تورەلىگىمەن بايقاۋعا قاتى­سۋشىلار اراسىنان احمەت شىعارمالارىن وقۋداعى ۇزدىكتەرى انىقتالىپ، ولارعا ەلەكتروندى كىتاپتار مەن ماراپات قا­عازدارى تابىس ەتىلدى. اقىننىڭ «وگىز بەن باقا» ولەڭىن كوركەمدەپ، اسەرلەپ جەت­كىزگەن المالى اۋدانىنداعى № 36 ورتا مەكتەپتىڭ وقۋشىسى ءادىلجان جاق­سى­لىقوۆ توپ جارىپ، ءبىرىنشى ورىندى يە­لەنسە، ەكىنشى ورىندى اۋەزوۆ اۋدا­نىنداعى №139 ورتا مەكتەپ وقۋشىسى ايگەرىم جەڭىسقىزى الدى. ءۇشىنشى ورىن بوستاندىق اۋدانىنىڭ № 40 ورتا مەكتەبىنىڭ وقۋشىسى قاعانات نۇرتايعا بۇيىردى. بۇدان كەيىنگى ىنتالاندىرۋ سىيلىقتارىن قازىلار القاسى كەل­گەندەردى ءبولىپ-جارماي قاتىسۋشىلاردىڭ بارلىعىنا بىردەي تابىستادى.
شارا سوڭىندا قۇتتىقتاۋ ءسوزىن العان الماتى قالاسىنداعى ا.بايتۇرسىنوۆ مۇراجاي ءۇيىنىڭ ديرەكتورى يماحانبەت رايحان، كەلەشەكتە احاڭ وقۋلارىن مۇعالىمدەر اراسىندا دا ۇيىمداستىرۋدى ۇسىندى.

"اباي-اقپارات"