قىرعىزستان مەن تاجىكستان اراسىندا تاعى قاقتىعىس بولدى. 14 ماۋسىمدا مەملەكەتتىك شەكارانىڭ قىرعىز-تاجىك ۋچاسكەسىندە شەكاراشىلار اراسىندا اتىس بولعان. قازا بولعاندار مەن زارداپ شەككەندەر تۋرالى دەرەك جوق. 

قىرعىزستان تاراپىنىڭ حابارلاۋىنشا، تاڭەرتەڭ باتكەن وبلىسىنىڭ بۇلاق-باشى اۋدانىندا تاجىكستان جاعىنان «بۇلاق-باشى» شەكارا زاستاۆاسى باعىتىنا وق اتىلعان. بۇعان جاۋاپ رەتىندە قىرعىز تاراپى دا تاجىك بەكەتى باعىتىندا وق اتقان.

تاجىكستان بيلىگى قىرعىز شەكاراشىلارى «كەح» زاستاۆاسىنا مينومەتتەردەن وق جاۋدىرعانىن، بۇعان تاجىك تاراپى جاۋاپ قايتارۋعا ءماجبۇر بولعانىن مالىمدەدى.

اتىس ازىرگە توقتادى. تاراپتار اراسىنداعى شەكارا ماڭىنداعى جانجالدىڭ ۋشىققانىنا ءبىر جىلدان استى.

Abai.kz