Қырғызстан мен Тәжікстан арасында тағы қақтығыс болды. 14 маусымда мемлекеттік шекараның қырғыз-тәжік учаскесінде шекарашылар арасында атыс болған. Қаза болғандар мен зардап шеккендер туралы дерек жоқ. 

Қырғызстан тарапының хабарлауынша, таңертең Баткен облысының Бұлақ-Башы ауданында Тәжікстан жағынан «Бұлақ-Башы» шекара заставасы бағытына оқ атылған. Бұған жауап ретінде қырғыз тарапы да тәжік бекеті бағытында оқ атқан.

Тәжікстан билігі қырғыз шекарашылары «Кех» заставасына минометтерден оқ жаудырғанын, бұған тәжік тарапы жауап қайтаруға мәжбүр болғанын мәлімдеді.

Атыс әзірге тоқтады. Тараптар арасындағы шекара маңындағы жанжалдың ушыққанына бір жылдан асты.

Abai.kz