وسىلاي دەپ قىرعىزستاننىڭ ۇكىمەت باسشىسى اقىلبەك جاپاروۆ الماتىدا وتكەن ايماقتىق سامميتتە قازاقستاندىق ارىپتەسى ءاليحان سمايلوۆپەن كەزدەسۋ بارىسىندا ايتتى.

جاپاروۆتىڭ سوزىنشە، ەكى ەل پرەزيدەنتى ساۋدا اينالىمىن 2 ملرد دوللارعا جەتكىزەمىز دەگەن ماقسات قويعان، ول ءۇشىن ەكى ەل اراسىندا جۇك تاسىمالى ەركىن ءجۇرۋى ءتيىس.

قىرعىزستان مەن قازاقستان شەكاراسىندا جۇك كولىكتەرى ءجيى كەپتەلىستە تۇرادى. بۇل ءجيى كەلىسپەۋشىلىككە الىپ كەلىپ، "ساۋدا سوعىسىنا" دەيىن جەتىپ جاتادى دەيدى ساراپشىلار. بۇل داۋ دۇنيەجۇزىلىك ساۋدا ۇيىمىنا دەيىن جەتكەن.

بيىل 27 مامىردا وتكەن ەۋرازيالىق ەكونوميكالىق كەڭەستىڭ وتىرىسىندا قىرعىز پرەزيدەنتى سادىر جاپاروۆ ەاەو ىشكى نارىعىنداعى كەدەرگىلەر وداق بەدەلىنە نۇقسان كەلىپ، بولىنۋگە الىپ كەلەدى دەپ مالىمدەگەن. ول 2021 جىلى ەلىنىڭ ەكونوميكا مينيسترلىگى رەسەيگە اۋىل شارۋاشىلىعى ونىمدەرىن جەدەل جەتكىزۋ جولىن زەرتتەگەنىن ايتتى.

"بۇل زەرتتەۋ بىرنەشە كەدەننەن ءوتىپ، ءۇشىنشى ەلدەن كەلەتىن جۇكتەردىڭ قىرعىزستان جۇكتەرىنە قاراعاندا رەسەيگە تەز باراتىنى انىقتالدى. ال وداقتىڭ ىشىندە كەدەندىك باقىلاۋ الىنىپ تاستالعاننىڭ وزىندە كەدەرگىلەر وتە كوپ",- دەگەن جاپاروۆ.

26 مامىردا قىرعىزستان جانە قازاقستان پرەزيدەنتتەرى بىشكەكتەگى كەزدەسۋدە شەكاراداعى بارلىق كەدەرگىلەردى جويۋ جونىندە كەلىسىمگە كەلگەن. بىراق سوعان قاراماستان شەكارادا ءالى جۇك كەپتەلىسى ءجيى بولىپ تۇرادى.

Abai.kz