رەسەيدىڭ اككى ساياساتكەرى، رەسەي بيلىگىنە وپپوزيتسيالىق كوزقاراس ۇستاناتىن گەننادي گۋدكوۆ ءپۋتيننىڭ ۋكرايناعا قاتىستى ۇستانىمى مەن رەسەي يمپەرياسىن قۇرۋدى اڭسايتىنى  جايلى اشىق ايتتى. فەدەرالدىق قاۋىپسىزدىك قىزمەتىندە بولعان ول 2014 جىلى ۋكرايناداعى توڭكەرىسكە قاتىستى پۋتين ىزاعا بۋلىعىپ قالعانىن ايتادى. 

"ۇزاق جىلدار بويى پۋتين رەسەي يمپەرياسىن قالپىنا كەلتىرۋ كەرەك دەپ سانادى. ول ءۇشىن ءتورت مەملەكەتتى قوسۋ كەرەكتىگىن مەڭزەيتىن، ولار رەسەي، ۋكراينا، بەلارۋس جانە قازاقستان. ارتىنشا ول مولدوۆا، ارمەنيا مەن گرۋزيا ءوز ەركىمەن قوسىلادى دەپ سانادى. الايدا پۋتين رەسەي مەن ۋكراينا اراسىنداعى ارىپتەستىك پەن وداقتاستىقسىز يمپەريانى قۇرۋ مۇمكىن ەمەس دەپ سانادى. مىسالى رەسەي مەن قازاقستان اراسىندا وداق بولسا، الايدا ول وداققا ۋكراينا كىرمەسە ول ۇزاققا بارمايتىن ەدى. ويتكەنى ورتاق تاريح، ورتاق مادەني كەڭەستىك، ورتاق ءدىن دەگەن فاكتورلار بار. جۇزدەگەن جىلدار بويى ءوزارا ورتاقتىق بولدى. پۋتين ۋكراينا رەسەي يمپەرياسىنىڭ ەڭ ماڭىزدى بولشەگى دەپ سانادى", - دەيدى گۋدكوۆ.

گۋدكوۆتىڭ پىكىرىنشە پۋتين ۇزاق جىلدار بويى اتالمىش جوسپاردى ىسكە اسىرۋ ءۇشىن ارەكەتتەندى. ول ۋكراينادا ءتۇرلى ءتۇستى توڭكەرىستەر باستالعان ساتتە، وتە قاتتى الاڭداعان. سەبەبى رەسە يمپەرياسىن قۇرۋ جوسپارىنا زيان كەلەدى دەپ سانادى. رەسەيشىل ساياساتكەر ۆيكتور يانۋكوۆيچتى ۋكراينا تاعىنا اكەلۋگە بارىن سالعان پۋتين، ول ەلدەن قاشقان ساتتە ونىڭ ارەكەتىن "ساتقىندىق" دەپ اتاعانى جايلى ايتادى.

"2014 جىلى ۋكراينادا توڭكەرىس بولعان ساتتە، پۋتين اشۋعا بۋلىقتى. ول ءتىپتى ءوزىن ۇستاي المايتىن كۇيگە ءتۇستى. قولىنداعى بارلىق زاتىن لاقتىرىپ، ايعايعا باستى. ەموتسياسىن باقىلاي المادى.  سول ساتتەن باستاپ ول جۇرەگىنە كەك تۇتىپ قالدى. ول ۋكراينادان كەك الىپ، ونى تالقانداپ، رەجيمىن اۋىستىرىپ، اقىرى يمپەرياعا قوسۋعا بارىن سالامىن دەپ شەشتى", - دەيدى ساياساتكەر.

سول ساتتەن باستاپ گۋدكوۆتىڭ سوزىنشە پۋتين ۋكراينانى بولشەكتەپ، ونىڭ شىعىسىن باسىپ الۋدى جوسپارلاي باستادى. قىرىمدى تارتىپ العان سوڭ، ول سوعىسقا دايىندالا باستاعانىن ايتادى.

"ول كەك الۋ ءۇشىن كەرەمەت دايىندالدى. اسكەرىن دايىندىقتان وتكىزىپ، اسكەري دوكترينانى پاترۋشەۆ قايتا جازىپ شىقتى، رەسەي ىشىندەگى وپپوزيتسيانى باستى، جانشىدى. ول سوعىسقا دايىندىقتى مۇلتىكسىز جاسادى. تاۋەلسىز باق-تى تۇنشىقتىرىپ، قارسى شىعۋشىلاردى جويدى. سوعىستان قاشىپ قۇتىلۋ مۇمكىن ەمەس ەدى", – دەيدى ساياساتكەر.

گۋدكوۆتىڭ ويىنشا رەسەي بيلىگى 2008 جىلى باتىس گرۋزيانى ناقتى قولداماعاندىقتان، ۋكراينانى دا ناقتى قولدايدى دەپ ويلاماعان. "الايدا كيەۆ ەكى كۇندە قۇلامادى جانە رەسەي بيلىگى ۇزاق سوعىس جوسپارىن ويلاستىرمادى، دەگەنمەن كرەمل وراسان شىعىنعا قاراماستان شەگىنۋدى ويلامايدى", - دەيدى ول.

اسحات قاسەنعالي

Abai.kz