قور بۇگىنگى تاڭدا الەۋمەتتىك سەرىكتەستىكتىڭ بىرقاتار جاڭا تەحنولوگيالارىن جاساۋ جانە ەنگىزۋ بويىنشا بەلسەندى جۇمىس جۇرگىزۋدە. «قازىرگى كەزدە قىزمەتىمىزدە 4 ءىرى سالاعا باسا كوڭىل بولۋدەمىز»، - دەدى «سامۇرىق-قازىنا» ۇاق» اق باسقارما توراعاسى ومىرزاق شوكەەۆ جاڭاوزەن قالاسىندا 21 قاراشادا وتكەن ماڭعىستاۋ وبلىسىنىڭ الەۋمەتتىك-ەكونوميكالىق دامۋ ماسەلەلەرىنە ارنالعان كەڭەس بارىسىندا.

ونىڭ ايتۋىنشا، ءبىرىنشى باعىت مەملەكەتتىك مەكەمەلەرمەن، ۇكىمەتتىك ەمەس ۇيىمدارمەن جانە بۇقارالىق اقپارات قۇرالدارىمەن الەۋمەتتىك جاۋاپكەرشىلىك پەن سەرىكتەستىكتىڭ بارلىق تارماعى بويىنشا تىعىز ءارى جەمىستى ىنتىماقتاستىق ورناتۋ بولىپ تابىلادى.

«3 مامىر قورعا كىرەتىن كومپانيالاردىڭ ءبىرىنشى باسشىلارىنىڭ قاتىسۋىمەن كورپوراتيۆتىك الەۋمەتتىك جاۋاپكەرشىلىك ماسەلەسى بويىنشا كەڭەس ءوتتى. وندا قازاقستان كاسىپوداقتارى فەدەراتسياسى مەن قور اراسىندا ىنتىماقتاستىق تۋرالى مەموراندۋمعا قول قويىلدى. ماجىلىستە الەۋمەتتىك-ەڭبەكتىك كيكىلجىڭدەرگە بايلانىستى كومپانيالاردىڭ ءبىرىنشى باسشىلارىنىڭ جەكە جاۋاپكەرشىلىگى بەكىتىلىپ، ەنشىلەس كاسىپورىندار جەتەكشىلەرىنىڭ ەڭبەك ۇجىمدارى الدىندا كومپانيانىڭ الەۋمەتتىك باعدارلامالارى قاراستىرىلاتىن جىل سايىنعى ەسەپ بەرۋ جينالىستارىن وتكىزۋى جايلى شەشىم قابىلداندى»، - دەپ قوستى ومىرزاق شوكەەۆ.

ول الەۋمەتتىك سەرىكتەستىكتىڭ ەكىنشى باعىتى الەۋمەتتىك-ەڭبەكتىك كيكىلجىڭدەردىڭ الدىن الۋدىڭ جاڭا تەتىكتەرىن ەنگىزۋ ەكەنىن اتاپ ءوتتى.

قور بۇگىنگى تاڭدا الەۋمەتتىك سەرىكتەستىكتىڭ بىرقاتار جاڭا تەحنولوگيالارىن جاساۋ جانە ەنگىزۋ بويىنشا بەلسەندى جۇمىس جۇرگىزۋدە. «قازىرگى كەزدە قىزمەتىمىزدە 4 ءىرى سالاعا باسا كوڭىل بولۋدەمىز»، - دەدى «سامۇرىق-قازىنا» ۇاق» اق باسقارما توراعاسى ومىرزاق شوكەەۆ جاڭاوزەن قالاسىندا 21 قاراشادا وتكەن ماڭعىستاۋ وبلىسىنىڭ الەۋمەتتىك-ەكونوميكالىق دامۋ ماسەلەلەرىنە ارنالعان كەڭەس بارىسىندا.

ونىڭ ايتۋىنشا، ءبىرىنشى باعىت مەملەكەتتىك مەكەمەلەرمەن، ۇكىمەتتىك ەمەس ۇيىمدارمەن جانە بۇقارالىق اقپارات قۇرالدارىمەن الەۋمەتتىك جاۋاپكەرشىلىك پەن سەرىكتەستىكتىڭ بارلىق تارماعى بويىنشا تىعىز ءارى جەمىستى ىنتىماقتاستىق ورناتۋ بولىپ تابىلادى.

«3 مامىر قورعا كىرەتىن كومپانيالاردىڭ ءبىرىنشى باسشىلارىنىڭ قاتىسۋىمەن كورپوراتيۆتىك الەۋمەتتىك جاۋاپكەرشىلىك ماسەلەسى بويىنشا كەڭەس ءوتتى. وندا قازاقستان كاسىپوداقتارى فەدەراتسياسى مەن قور اراسىندا ىنتىماقتاستىق تۋرالى مەموراندۋمعا قول قويىلدى. ماجىلىستە الەۋمەتتىك-ەڭبەكتىك كيكىلجىڭدەرگە بايلانىستى كومپانيالاردىڭ ءبىرىنشى باسشىلارىنىڭ جەكە جاۋاپكەرشىلىگى بەكىتىلىپ، ەنشىلەس كاسىپورىندار جەتەكشىلەرىنىڭ ەڭبەك ۇجىمدارى الدىندا كومپانيانىڭ الەۋمەتتىك باعدارلامالارى قاراستىرىلاتىن جىل سايىنعى ەسەپ بەرۋ جينالىستارىن وتكىزۋى جايلى شەشىم قابىلداندى»، - دەپ قوستى ومىرزاق شوكەەۆ.

ول الەۋمەتتىك سەرىكتەستىكتىڭ ەكىنشى باعىتى الەۋمەتتىك-ەڭبەكتىك كيكىلجىڭدەردىڭ الدىن الۋدىڭ جاڭا تەتىكتەرىن ەنگىزۋ ەكەنىن اتاپ ءوتتى.

«قورداعى الەۋمەتتىك سەرىكتەستىك ورتالىعى جانىنان مەدياتسيا جانە كەلىسسوزدەر جۇرگىزۋ ۇدەرىسىنىڭ كورپوراتيۆتىك ورتالىعى قۇرىلىپ، وندا ۇجىممەن جۇمىسقا جاۋاپتى قور ەڭبەككەرلەرى ءۇشىن مەدياتسيا جانە كەلىسسوزدەر جۇرگىزۋ ۇدەرىسى بويىنشا وقۋ شارالارى وتكىزىلۋدە. بۇل باستاما ەڭبەك قاتىناستارى سالاسى دا قاراستىرىلاتىن مەدياتسيا قۇرىلىمدارى مەن پروتسەدۋرالارىن جاساۋ جانە قولدانۋ بويىنشا ەلباسى بەرگەن تاپسىرمالار اياسىندا كوتەرىلدى. ەنشىلەس كاسىپورىندار ەڭبەككەرلەرىنەن بۇگىندە استانا، الماتى، قىزىلوردا، وسكەمەن، اقتاۋ، اتىراۋ جانە اقتوبە وڭىرلەرىندە ورنالاسقان 150-دەن استام مەدياتور مەن كەلىسسوز جۇرگىزۋشى دايىندالدى. وسى ورايدا ماڭعىستاۋ وبلىسىنا ەرەكشە نازار اۋدارىلۋدا»، - دەپ ءتۇسىندىردى قور باسشىسى.

سونىمەن قاتار، مالىمەتكە سۇيەنسەك، ورتالىقتىڭ 505-505 ءنومىرلى «جەدەل تەلەفون جەلىسى» ىسكە قوسىلعان.  باستى ماقساتى مۇڭ-تىلەكتەرىن، شاعىمدارىن باسشىلىق تاراپقا جەتكىزگىسى كەلەتىن قور كومپانيالارى ەڭبەككەرلەرىنە كومەكتەسۋ بولىپ تابىلاتىن www.birgemiz.kz سايتى اشىلدى.

«ءۇشىنشىسى - ول الەۋمەتتىك-ەڭبەكتىك قاتىناستاردى تارازىلاۋدىڭ يننوۆاتسيالىق ادىستەرىن جاساۋ مەن ەنگىزۋ. قازىرگى ۋاقىتتا نازاردان تىس قالعان الەۋمەتتىك تۇيتكىلدەردى مەرزىمىنەن كەشىكتىرمەي انىقتاپ، باقىلاۋدا ۇستاۋ وزەكتىلىگىن بايقاتۋدا. الەۋمەتتىك نارازىلىق دەڭگەيىن ولشەۋدىڭ قۇرالى رەتىندە قوردا الەۋمەتتىلىك تۇراقتىلىق كارتاسى ازىرلەنىپ، سىنالۋ ۇستىندە»، - دەدى ءو.شوكەەۆ.

الەۋمەتتىك سەرىكتەستىكتىڭ ءتورتىنشى باعىتى بولىپ بيزنەستىڭ الەۋمەتتىك جاۋاپكەرشىلىگىنە جاتاتىن شارالار ايقىندالۋدا.

«قازىرگى ساتتە جاڭاوزەن قالاسىنداعى بيزنەستىڭ الەۋمەتتىك جاۋاپكەرشىلىگى بويىنشا جانە وڭالتۋ شارالارى جونىنەن نەگىزگى جۇمىس «قازمۇنايگاز» ءبو» اق ارقىلى جۇرگىزىلۋدە. انىعىراق ايتساق، جاڭاوزەندە، «قازمۇنايگاز» بارلاۋ جانە ءوندىرۋ» كومپانياسى بيزنەستىڭ الەۋمەتتىك جاۋاپكەرشىلىگى باعدارلاماسى بويىنشا قۇرىلىسىن قارجىلاندىرعان 200 پاتەرلىك تۇرعىن ءۇي پايدالانىمعا تاپسىرىلدى. جاڭا باسپانالارعا كوپ بالالى انالار، بيۋدجەتتىك سالا قىزمەتكەرلەرى جانە مۇنايشىلار يە بولدى. وسىعان بايلانىستى، جەرگىلىكتى اكىمدىكتەر مەن ۇلتتىق كومپانيالاردىڭ بيۋدجەتتىك قارجىسىن شەكتەۋ ماقساتىندا، قور جانە اكىمدىكتەر جەلىسى بويىنشا الەۋمەتتىك نىسانداردى سالۋدىڭ 2013-2015 جىلدارعا ارنالعان شىعىندارىن كەلىسۋ قاجەتتىلىگى تۋرالى ماسەلەنى قايتا كۇنتارتىبىنە قويۋ مۇقتاجدىعى سەزىلۋدە»، - دەپ اقپاراتتان كەلتىردى قور باسشىسى.