ىلە الاتاۋى ۇلتتىق تابيعي پاركىندە 12 ادامنىڭ ايۋاندىقپەن ءولتىرىلۋى وقيعاسىنا ەكسترەميستەر سەبەپكەر بولعان. بۇل تۋرالى بۇگىن ءىىم رەسمي اقپارات تاراتتى.
بۇدان بۇرىن حابارلاعانىمىزداي، اعىمداعى جىلدىڭ 13-14 تامىزىندا ىلە-الاتاۋ ۇلتتىق ساياباعىندا پىشاق جاراقاتتارى بار 6 ءمايىت، كەيىن ورتەنىپ كەتكەن ورمانشىنىڭ ۇيىنەن 6 ادامنىڭ ءمايىتى تابىلعان بولاتىن.

سول كۇنى اتالعان فاكتى بويىنشا  قىلمىستىق ءىس قوزعالىپ،  ءىىم، الماتى قالاسى جانە الماتى وبلىسى ءىىد تاجىريبەلى قىزمەتكەرلەرى قاتارىنان جەدەل-تەرگەۋ توبى قۇرىلدى، بارلىق قاجەتتى  سوت-كريميناليستيكالىق ساراپتامالارى تاعايىندالدى.  
وسى وقيعا بويىنشا قۇقىق قورعاۋ ورگاندارى بۇگىنگە دەيىن ءتۇرلى جورامال جاساپ كەلگەن بولاتىن. باستاپقىدا بۇل تراگەدياعا ىشكى قاقتىعىستار سەبەپ بولدى دەسە، كەيىنىرەك وسى وقيعاعا قاتىسى بولۋى مۇمكىن دەگەن كۇدىكپەن سول ماڭداعى قورىق قىزمەتكەرى ۇستالعان. ال، بۇل وقيعاعا سول توڭىرەكتەگى ەكستەرميزمگە قاتىستى وقيعالاردىڭ قاتىسى بار ما دەگەن ساۋالعا قۇقىق قورعاۋشىلار ناقتى جاۋاپ بەرمەي كەلگەن.

ىلە الاتاۋى ۇلتتىق تابيعي پاركىندە 12 ادامنىڭ ايۋاندىقپەن ءولتىرىلۋى وقيعاسىنا ەكسترەميستەر سەبەپكەر بولعان. بۇل تۋرالى بۇگىن ءىىم رەسمي اقپارات تاراتتى.
بۇدان بۇرىن حابارلاعانىمىزداي، اعىمداعى جىلدىڭ 13-14 تامىزىندا ىلە-الاتاۋ ۇلتتىق ساياباعىندا پىشاق جاراقاتتارى بار 6 ءمايىت، كەيىن ورتەنىپ كەتكەن ورمانشىنىڭ ۇيىنەن 6 ادامنىڭ ءمايىتى تابىلعان بولاتىن.

سول كۇنى اتالعان فاكتى بويىنشا  قىلمىستىق ءىس قوزعالىپ،  ءىىم، الماتى قالاسى جانە الماتى وبلىسى ءىىد تاجىريبەلى قىزمەتكەرلەرى قاتارىنان جەدەل-تەرگەۋ توبى قۇرىلدى، بارلىق قاجەتتى  سوت-كريميناليستيكالىق ساراپتامالارى تاعايىندالدى.  
وسى وقيعا بويىنشا قۇقىق قورعاۋ ورگاندارى بۇگىنگە دەيىن ءتۇرلى جورامال جاساپ كەلگەن بولاتىن. باستاپقىدا بۇل تراگەدياعا ىشكى قاقتىعىستار سەبەپ بولدى دەسە، كەيىنىرەك وسى وقيعاعا قاتىسى بولۋى مۇمكىن دەگەن كۇدىكپەن سول ماڭداعى قورىق قىزمەتكەرى ۇستالعان. ال، بۇل وقيعاعا سول توڭىرەكتەگى ەكستەرميزمگە قاتىستى وقيعالاردىڭ قاتىسى بار ما دەگەن ساۋالعا قۇقىق قورعاۋشىلار ناقتى جاۋاپ بەرمەي كەلگەن.

«اتالعان قىلمىستى ءدىني ەكسترەميزم توبىنىڭ مۇشەلەرى جاساعاندىعى جونىندە ناقتى نەگىزدەر بار، ولاردىڭ جەكە باستارى تولىق انىقتالدى»، دەپ حابارلاپ وتىر بۇگىن ءىىم.
«زاڭسىز تۇرعىدا بولعاندىقتان ولار تۇرعىلىقتى ورىندارىن ءجيى اۋىستىرىپ، جالعا بەرىلەتىن بولمەلەردى پايدالانعان، سونىڭ ىشىندە  الماتى وبلىسى تاۋسامال كەنتىندەگى ۇيدە تۇرعان، سول جەردە  اعىمداعى جىلدىڭ شىلدەسىندە قولدان جاسالعان قوندىرعى جارىلعان، سونداي-اق  باعاناشىل كەنتىندە تۇرعان، ول جەردە ارنايى وپەراتسيا وتكىزۋ بارىسىندا  توپتىڭ باسىم بولىگى  جويىلعان.

قازىرگى ۋاقىتتا  اتالعان فاكتىلەر بويىنشا قىلمىستىق ىستەر ءبىر ىسكە بىرىكتىرىلىپ، ارنايى پروكۋرور باسقاراتىن ۆەدومستۆوارالىق جەدەل-تەرگەۋ توبى قۇرىلدى» دەلىنگەن حابارلامادا.
توپتىڭ باسقا مۇشەلەرىن قۇقىققورعاۋ ورگاندارى ىزدەستىرۋدە.  ولار: باتىس قازاقستان وبلىسىنىڭ تۋماسى 1975 جىلى تۋعان حايروۆ سايان ماحسوتۇلى جانە  جامبىل وبلىسىنىڭ تۋماسى 1978 جىلى تۋعان بوتاباەۆ زاۋربەك راسيلحانوۆيچ. ولاردى ىزدەستىرۋ ءۇشىن  رەسپۋبليكانىڭ ىشكى ىستەر ورگاندارى جەكە قۇرامىنا باعدار بەرىلدى.

BAQ.KZ