وسكەمەندەگى وبلىستىق ساۋلەت-ەتنوگرافيالىق جانە تابيعي-لاندشافتتىق مۇراجاي-قورىعىندا «نۇرسۇلتان نازارباەۆ. تۇلعا جانە ساياساتكەر» اتتى تۇڭعىش پرەزيدەنتتىڭ مۇراجايى قورىنىڭ كورمەسى اشىلدى.
كورمەنىڭ ماقساتى - قازاقستان رەسپۋبليكاسىنىڭ تۇڭعىش پرەزيدەنتى - ۇلت كوشباسشىسى نۇرسۇلتان نازارباەۆتىڭ ىسكەرلىك قىزمەتى ارقىلى تاۋەلسىزدىكتىڭ 20 جىلىندا قازاقستاننىڭ الەمدىك قاۋىمداستىقتاعى قول جەتكىزگەن جەتىستىكتەرىن ايشىقتاي كورسەتۋ.

اعىمداعى جىلدىڭ 1-جەلتوقسانىندا قازاقستان رەسپۋبليكاسىندا العاش رەت تۇڭعىش پرەزيدەنت كۇنى مەرەكەلەنبەك. بۇل مەملەكەتتىك مەرەكە ەل پرەزيدەنتىنىڭ، تاۋەلسىز مەملەكەتتىڭ نەگىزىن قالاۋشى تۇلعانىڭ قازاقستانعا سىڭىرگەن ەرەن ەڭبەگىن ءتۇيسىنىپ، باعالاۋعا باعىشتالعان.

- ءبىز تۇڭعىش پرەزيدەنت كۇنى حالىقتىڭ نە كورىپ-بىلگىسى كەلەتىنى جايىندا تۇرعىندار اراسىندا ساۋالناما جۇرگىزگەن ەدىك. ولاردان ءتۇرلى كورمەلەر مەن كونتسەرتتەر جانە سپورتتىق جارىستار ۇيىمداستىرۋ جونىندە كوپتەگەن ۇسىنىستار ءتۇستى، - دەيدى وبلىستىق مادەنيەت باسقارماسىنىڭ باستىعى جاقسىلىق ومار. - سوعان وراي جۇزدەن استام ءىس-شارا وتكىزۋ جوسپارلانىپ وتىر. وسكەمەندەگى كورمەگە تۇڭعىش پرەزيدەنت مۇراجايىنىڭ سوڭعى جىلدارى ايتارلىقتاي تولىققان كوللەكتسيالار قورىنىڭ ءبىراز دۇنيەلەرى عانا اكەلىندى.

وسكەمەندەگى وبلىستىق ساۋلەت-ەتنوگرافيالىق جانە تابيعي-لاندشافتتىق مۇراجاي-قورىعىندا «نۇرسۇلتان نازارباەۆ. تۇلعا جانە ساياساتكەر» اتتى تۇڭعىش پرەزيدەنتتىڭ مۇراجايى قورىنىڭ كورمەسى اشىلدى.
كورمەنىڭ ماقساتى - قازاقستان رەسپۋبليكاسىنىڭ تۇڭعىش پرەزيدەنتى - ۇلت كوشباسشىسى نۇرسۇلتان نازارباەۆتىڭ ىسكەرلىك قىزمەتى ارقىلى تاۋەلسىزدىكتىڭ 20 جىلىندا قازاقستاننىڭ الەمدىك قاۋىمداستىقتاعى قول جەتكىزگەن جەتىستىكتەرىن ايشىقتاي كورسەتۋ.

اعىمداعى جىلدىڭ 1-جەلتوقسانىندا قازاقستان رەسپۋبليكاسىندا العاش رەت تۇڭعىش پرەزيدەنت كۇنى مەرەكەلەنبەك. بۇل مەملەكەتتىك مەرەكە ەل پرەزيدەنتىنىڭ، تاۋەلسىز مەملەكەتتىڭ نەگىزىن قالاۋشى تۇلعانىڭ قازاقستانعا سىڭىرگەن ەرەن ەڭبەگىن ءتۇيسىنىپ، باعالاۋعا باعىشتالعان.

- ءبىز تۇڭعىش پرەزيدەنت كۇنى حالىقتىڭ نە كورىپ-بىلگىسى كەلەتىنى جايىندا تۇرعىندار اراسىندا ساۋالناما جۇرگىزگەن ەدىك. ولاردان ءتۇرلى كورمەلەر مەن كونتسەرتتەر جانە سپورتتىق جارىستار ۇيىمداستىرۋ جونىندە كوپتەگەن ۇسىنىستار ءتۇستى، - دەيدى وبلىستىق مادەنيەت باسقارماسىنىڭ باستىعى جاقسىلىق ومار. - سوعان وراي جۇزدەن استام ءىس-شارا وتكىزۋ جوسپارلانىپ وتىر. وسكەمەندەگى كورمەگە تۇڭعىش پرەزيدەنت مۇراجايىنىڭ سوڭعى جىلدارى ايتارلىقتاي تولىققان كوللەكتسيالار قورىنىڭ ءبىراز دۇنيەلەرى عانا اكەلىندى.

وسكەمەنگە اكەلىنگەن جادىگەرلەردى نەگىزىنەن تاۋەلسىز قازاقستاننىڭ قالىپتاسۋ كەزەڭىن باياندايتىن سۋرەتتەر، سونداي-اق، ەكسپوناتتار، تۇڭعىش پرەزيدەنتكە ۇسىنىلعان جەكە دۇنيەلەر مەن سىيلىقتار قۇرايدى.

ماسەلەن كورمەنىڭ ءبىرىنشى زالى نۇرسۇلتان نازارباەۆتىڭ جاستىق شاعىن باياندايدى. ول جەردەن پرەزيدەنت مەتاللۋرگيانىڭ قىر-سىرىنا قانىققان دنەپرودزەرجينسكىدەگى فوتوسۋرەتتەردى، اتالعان قالاداعى وقۋىن ءبىتىرۋ كەزىندە وعان 8-رازريادتى كەنشى اتاعى بەرىلگەنىن (ەڭ جوعارعى رازرياد - 10) بەينەلەيتىن سۋرەتتەر توپتاماسىن كورۋگە بولادى. ال ودان كەيىن ەلباسىمىز تەمىرتاۋعا كەلىپ، قاراعاندى مەتاللۋرگيا كومبيناتىندا مەتاللۋرگ بولىپ، العاشقى ەڭبەك جولىن باستاعان ەدى. اتالعان كورمەدە وسىناۋ كەزەڭدەردەن سىر شەرتەتىن «تەمىرتاۋ» اتتى قۇيما-كومپوزيتسيانىڭ قويىلۋى سوندىقتان دا ەرەكشە. وسى قالادا بولاشاققا دەگەن ورەلى كوزقاراسى مەن قوعامدىق جۇمىسقا بەلسەنە ارالاسقانى ءۇشىن نۇرسۇلتان نازارباەۆتى كومسومولدىق جانە پارتيالىق جۇمىسقا شاقىرادى. ەلباسىمىزدىڭ سول جالىندى جاستىعىن ونىڭ تەمىرتاۋداعى ءبىرىنشى مامىردىڭ مەرەكەلەنۋ شەرۋىندەگى كەزىن، حالىقپەن جۇزدەسۋلەرىن، بالاباقشالاردا بولىپ، بۇلدىرشىندەرمەن كەزدەسۋىن بەينەلەگەن سۋرەتتەر ادەمى باياندايدى.

ايتارى مول كورمەدە اسىرەسە، تۇڭعىش پرەزيدەنتتىڭ جەكە قالامى، ونىڭ قولىمەن تۇزەتۋلەر جاسالعان قازاقستاننىڭ ءانۇرانى ەرەكشە باعالى ەكسپونات بولىپ تابىلادى. كورمەگە قويىلعان جاپونيا، يزرايل، ەۋروپا ەلدەرى مەن رەسەي تاراپىنان تارتۋ ەتىلگەن سىيلىقتاردىڭ ءوزى ءبىر توبە. سونىمەن قاتار مۇندا ءارتۇرلى اۆتورلاردىڭ سىي-قولتاڭبالارى جازىلعان كىتاپتار، قازاقستاندىق ازاماتتاردىڭ پرەزيدەنتكە جولداعان حاتتارى دا ورىن تەپكەن.

- مەن بۇل كورمەدەن پرەزيدەنتىمىزدىڭ دارا جولىنان دەرەك بەرەتىن كوپتەگەن جەكە زاتتارىن كورىپ، تالاي جاڭالىق پەن تانىمدىق دۇنيەلەرگە قانىقتىم. وسىنداي تاماشا تۇلعا تۋرالى جاڭا ەكسپوناتتارمەن ەتەنە تانىسقانىما قۋانىشتىمىن، - دەيدى وبلىستىق ەتنوگرافيالىق مۇراجايدىڭ ورىس ەتنوگرافياسى ءبولىمىنىڭ كىشى عىلىمي قىزمەتكەرى رومان نەچاەۆ. ءدال وسىنداي پىكىردى ماريا بۋركوۆسكايانىڭ دا اۋزىنان ەستىدىك.
«اباي-اقپارات»