"بايتەرەك" ۇلتتىق باسقارۋشى حولدينگى "سبەربانك قازاقستاندى" ساتىپ الۋ بويىنشا كەلىسسوز جۇرگىزىپ جاتىر. اقپاراتتى قارجى نارىعىن رەتتەۋ جانە دامىتۋ اگەنتتىگىنىڭ ءتورايىمى ءمادينا ابىلقاسىموۆا راستادى. بۇل تۋرالى تengrinews.kz-كە سىلتەمە جاساپ Abai.kz حابارلايدى.

"قازىر "سبەربانك قازاقستاندى" ساتۋ ماسەلەسى تالقىلانىپ جاتىر. بۇل - "سبەربانك رەسەي" جاق-تىڭ ەنشىلەس ۇيىمى. رەسەيدە بۇل بانككە سانكتسيا سالىنعاندىقتان، بانك شەتەلدىك ۆاليۋتالاردا وپەراتسيا جاساي المايدى. شەتەلدىك كوررەسپوندەنت-بانكتەردەگى شوتتارى جابىلىپ، جاڭا قارجىلاندىرۋدى تارتۋ مۇمكىندىگى شەكتەۋلى. وسىعان بايلانىستى "سبەربانك رەسەي" ءوزىنىڭ ەنشىلەس ۇيىمىن قازاقستاندا ساتۋ تۋرالى شەشىم قابىلدادى جانە قازىرگى ۋاقىتتا "بايتەرەك" حولدينگىمەن بانكتى ساتۋ تۋرالى ءتيىستى كەلىسسوز جۇرگىزىلىپ جاتىر", -دەدى ابىلقاسىموۆا.

"بايتەرەك" ۇبح-نىڭ جالعىز اكتسيونەرى - قازاقستان ۇكىمەتى. حولدينگ قۇرامىنا 8 ەنشىلەس ۇيىم كىرەدى: "قازاقستاننىڭ دامۋ بانكى", "وتباسى بانك", "دامۋ" ودق، "قازاقستاندىق تۇرعىن ءۇي كومپانياسى", Kazakh Export, "قازىنا كاپيتال مەنەدجمەنت", "اگرارلىق نەسيە كورپوراتسياسى", "قازاگروقارجى" اق.

Abai.kz