تورعاي وبلىسى قۇرىلا ما؟
2022 جىلى قازاقستاندا ءۇش وبلىس قۇرىلدى. حالىق اراسىندا ەلىمىزدە تاعى ءبىر وبلىس قۇرىلۋى مۇمكىن، ول تورعاي بولماق دەگەن سىبىستار بار. ۆيتسە-پرەمەر ەرالى توعجانوۆ تورعاي وبلىسىن قايتا قۇرۋ تۋرالى ماسەلەسىنە قاتىستى پىكىر ءبىلدىردى.
"قازىر مەن مۇنداي قاجەتتىلىكتى كورىپ تۇرعان جوقپىن. ارقالىق قالاسىندا حالىق وتە از. سوندىقتان ماسەلە كۇن تارتىبىندە تۇرعان جوق. وبلىستاردى بولۋگە قاتىستى بارلىق شەشىم قابىلداندى", - دەدى ەرالى توعجانوۆ.
كەشە ورتالىق كوممۋنيكاتسيالار قىزمەتىندە وتكەن بريفينگتە قوستاناي وبلىسىنىڭ اكىمى ارحيمەد مۇحامبەتوۆكە تورعاي وبلىسىن قۇرۋ تۋرالى ساۋال قويعان ەدى. ول جاڭا وبلىستى قۇرۋ تۋرالى شەشىمدى جەرگىلىكتى ورگاندار ەمەس، پرەزيدەنت شەشەتىنىن جەتكىزدى.
Abai.kz
