وبلىستىڭ 80 جىلدىق مەرەيتويىنا وراي اۋدان، قالا باسشىلارى اتقارعان شارۋالارى جونىندە ەسەپ بەرۋگە كىرىسىپ كەتتى. ارنايى وتكىزىلگەن ءباسپاسوز ءماسليحاتىندا تۇركىستان قالاسىنىڭ اكىمى الىپبەك وسەرباەۆ العاشقىلاردىڭ ءبىرى بولىپ جاسالعان جۇمىستار مەن الداعى تاڭدا اتقارىلۋى ءتيىس باسىم باعىتتار جونىندە جۋرناليستەرگە ايتىپ بەردى.
قالا اكىمىنىڭ ايتۋىنشا، تۇركىستاندا سوڭعى ءۇش جىلدا 158 ءبىلىم بەرۋ مەكەمەسى بوي كوتەرگەن. 170 ەلدى مەكەن اۋىزسۋمەن قامتىلىپ، جاڭادان 133 مەديتسينا نىسانى اشىلىپتى. الەۋمەتتىك-ەكونوميكالىق دامۋى ءبىرشاما كوتەرىلگەن رۋحانيات ورتالىعىندا بيىل 4 ينۆەستيتسيالىق جوبا جۇزەگە اسپاقشى ەكەن. الايدا، قىلمىس سانى ازايماي وتىر. اكىم بۇعان قالاعا كەلگەن قوناقتار كىنالى دەپ قويىپ قالدى.
وبلىستا جۇرگىزىلگەن مونيتورينگتىك كورسەتكىش بويىنشا بىلتىر 8-ءشى ورىنعا تۇراقتاعان تۇركىستان قالاسى بيىل ەكى ساتىعا جوعارىلاپتى. ەندىگى ماقسات - تۋريزم سالاسىن دامىتىپ، قوناقتارعا ساپالى قىزمەت كورسەتۋ. بيىل ۇكاش اتا كەسەنەسىنە باراتىن جولدى جوندەۋگە وبلىس قازىناسىنان قارجى بولىنگەن. ال كەلەر جىلى بەس جۇلدىزدى قوناقۇي بوي كوتەرمەك. رۋحاني قالانىڭ اكىمى تۇركىستاننىڭ ەكونوميكالىق، الەۋمەتتىك دامۋىن، ينفروقۇرىلىمدىق جۇيەلەردىڭ جولعا قويىلىپ كەلە جاتقانى تۋرالى تولىق اقپاراتتار بەردى.

وبلىستىڭ 80 جىلدىق مەرەيتويىنا وراي اۋدان، قالا باسشىلارى اتقارعان شارۋالارى جونىندە ەسەپ بەرۋگە كىرىسىپ كەتتى. ارنايى وتكىزىلگەن ءباسپاسوز ءماسليحاتىندا تۇركىستان قالاسىنىڭ اكىمى الىپبەك وسەرباەۆ العاشقىلاردىڭ ءبىرى بولىپ جاسالعان جۇمىستار مەن الداعى تاڭدا اتقارىلۋى ءتيىس باسىم باعىتتار جونىندە جۋرناليستەرگە ايتىپ بەردى.
قالا اكىمىنىڭ ايتۋىنشا، تۇركىستاندا سوڭعى ءۇش جىلدا 158 ءبىلىم بەرۋ مەكەمەسى بوي كوتەرگەن. 170 ەلدى مەكەن اۋىزسۋمەن قامتىلىپ، جاڭادان 133 مەديتسينا نىسانى اشىلىپتى. الەۋمەتتىك-ەكونوميكالىق دامۋى ءبىرشاما كوتەرىلگەن رۋحانيات ورتالىعىندا بيىل 4 ينۆەستيتسيالىق جوبا جۇزەگە اسپاقشى ەكەن. الايدا، قىلمىس سانى ازايماي وتىر. اكىم بۇعان قالاعا كەلگەن قوناقتار كىنالى دەپ قويىپ قالدى.
وبلىستا جۇرگىزىلگەن مونيتورينگتىك كورسەتكىش بويىنشا بىلتىر 8-ءشى ورىنعا تۇراقتاعان تۇركىستان قالاسى بيىل ەكى ساتىعا جوعارىلاپتى. ەندىگى ماقسات - تۋريزم سالاسىن دامىتىپ، قوناقتارعا ساپالى قىزمەت كورسەتۋ. بيىل ۇكاش اتا كەسەنەسىنە باراتىن جولدى جوندەۋگە وبلىس قازىناسىنان قارجى بولىنگەن. ال كەلەر جىلى بەس جۇلدىزدى قوناقۇي بوي كوتەرمەك. رۋحاني قالانىڭ اكىمى تۇركىستاننىڭ ەكونوميكالىق، الەۋمەتتىك دامۋىن، ينفروقۇرىلىمدىق جۇيەلەردىڭ جولعا قويىلىپ كەلە جاتقانى تۋرالى تولىق اقپاراتتار بەردى.
سونىمەن قاتار، جۋرناليستەردىڭ سۇراقتارىنا دا جاۋاپ قاتتى. تۇركىستان قالاسىنىڭ الەۋمەتتىك-ەكونوميكالىق دامۋى بويىنشا 2012 جىلدىڭ 9 ايىندا ءار سالادا ايتارلىقتاي تابىستارعا قول جەتكىزىلگەن. ەسەپتى مەرزىمدە قالانىڭ جالپى وڭىرلىك ءونىم كولەمى وتكەن جىلدىڭ ءتيىستى كەزەڭىمەن سالىستىرعاندا 2,6%-عا ارتىپ، 36 ملرد. 460 ملن. تەڭگەنى قۇراعان. ونىڭ ىشىندە اۋىلشارۋاشىلىققا - 32,5%-ى، ونەركاسىپكە - 16,9%-ى، نەگىزگى كاپيتالعا باعىتتالعان ينۆەستيتسياعا - 26,5%-ى جانە وتكىزىلگەن تاۋارلار، كورسەتىلگەن قىزمەتكە - 24,1%-ى تيەسىلى. ەسەپتى كەزەڭدە قالانىڭ ونەركاسىپ كاسىپورىندارىندا قولدانىستاعى باعامەن 6186,7 ملن تەڭگەنىڭ ءونىمى ءوندىرىلىپ، وتكەن جىلدىڭ وسى مەرزىمىمەن سالىستىرعاندا 2,3%-عا ارتقان. اعىمداعى جىلى 6 كاسىپورىن ىسكە قوسىلعان.
قالا بويىنشا 673 جاڭا جۇمىس ورنى، ونىڭ ىشىندە شاعىن جانە ورتا كاسىپكەرلىكتىڭ اشىلۋىنا بايلانىستى 317 ورىن، «ىرىس» ميكروكرەديتتىك ۇيىمى ارقىلى 43, يندۋستريالدىق كارتاعا ەنگەن جوبالاردىڭ ىسكە قوسىلۋى ەسەبىنەن 195, جۇمىسپەن قامتۋ ورتالىعى ارقىلى 66, ىسكە قوسىلعان ينۆەستيتسيالىق جوبالار ارقىلى 52 جۇمىس ورنى اشىلىپتى. 2012 جىلدىڭ 9 ايىندا بەلسەندى ءىس-ارەكەتتەگى كاسىپكەرلىك سۋبەكتىلەرىنىڭ سانى 9957 قۇراپ، وتكەن جىلدىڭ وسى كەزەڭىمەن سالىستىرعاندا 1,5% ارتقان.
كاسىپكەرلىك سۋبەكتىلەرى 30 ملرد 8 ملن تەڭگەنىڭ ءونىمىن وندىرگەن. ەسەپتى مەرزىمدە «ماكسيمۋم» ايو ارقىلى 68 جوبا 315,5 ملن. تەڭگەگە تاپسىرىلىپ، 222,2 ملن تەڭگەگە 32 جوبا قارجىلاندىرىلعان. وتكەن جىلمەن (01.10.2011 ج. 84 جوبا 94,5 ملن. تەڭگە) سالىستىرعاندا قارجىلاندىرۋ 2,3 ەسەگە ءوسىپتى.
«بيزنەستىڭ جول كارتاسى - 2020» باعدارلاماسىنىڭ ءتورتىنشى باعىتىن جۇزەگە اسىرۋ اياسىندا كاسىپكەرلەرگە بيزنەستى جۇرگىزۋ بويىنشا تەگىن سەرۆيستىك قىزمەت كورسەتۋ جونىندە 85 ءوتىنىم جانە كاسىپكەرلىك سۋبەكتىلەر باسشىلارىن وقىتۋ بويىنشا «يۋگناك» جشس-ءى باسشىسى نۇرسۇلتان ابدۋللاەۆ «نازارباەۆ ۋنيۆەرسيتەتىندە» وقۋدان ءوتىپتى.قالاداعى ەت ونىمدەرىن شىعاراتىن «تۇركىستان» سەلولىق تۇتىنۋ كووپەراتيۆىنىڭ ءوندىرىس كەشەنىنە باراتىن قۇنى 72,7 ملن تەڭگەنى قۇرايتىن، ۇزىندىعى 2,1 كم اۆتوموبيل جولىن سالۋ جوباسى مەملەكەت تاراپىنان ىسكە اسىرىلىپ جاتىر ەكەن.

"اباي-اقپارات"