الماتىدا مەملەكەتتىك باعدارلامانىڭ كومەگىمەن اشىلعان ورتالىققا 56 مىڭ بالا Artsport پلاتفورماسى ارقىلى كەلگەن. ورتالىقتىڭ يەسى ۇلان ادىلباەۆ بالالارعا اكتەرلىك شەبەرلىك، ۆيدەو-مونتاج جانە فوتوشوپ جاساۋدى تەگىن ۇيرەتەدى. جانە 3 ادامدى جۇمىسپەن قامتىپ وتىر. ول ورتالىقتى جارتى جىل بۇرىن عانا اشقان.

«وسى مەكتەپتە وقىپ جۇرگەنىمە 3 اي بولدى. وسى ۋاقىت ارالىعىندا اكتەرلىك شەبەرلىك، ۆيدەو، فوتو، سمم كوپ نارسە ۇيرەندىم. Artsport باعدارلاماسى ماعان ۇنايدى»، – دەدى قاتىسۋشى ابىلقايىر ۇدجىقۇلوۆ.

«اپتاسىنا 4 رەت كەلەمىن. 2 كۇندى اكتەرلىك شەبەرلىك ساعاتىنا ارناسام، قالعان كۇندەرى فوتو، ۆيدەو جاساپ ۇيرەنەمىن. جاقسى جوبا»، – دەدى قاتىسۋشى باتىرلان ماناپ.

بۇل ورتالىققا Artsport پلاتفورماسى ارقىلى 100-دەن استام بالا تىركەلگەن. ياعني 6-دان 17 جاسقا دەيىنگى ارالىقتا بالا قالاعان ۇيىرمەگە تەگىن قاتىسا الادى. ەڭ باستىسى ناتيجە بار دەيدى ۇستازدارى. اكتەرلىك شەبەرلىكتى ۇيرەنىپ جۇرگەن بالدىرعاندار جاقىندا عانا رەسپۋبليكالىق كونكۋرستا باس جۇلدە الىپتى. سوندىقتان اتا-انالار قاۋىمى بۇل جوبانىڭ اقىلى سەكتسيالارعا قاراعاندا ۇتىمدى تۇستارى كوبىرەك دەيدى.

«بالام وسى ۇيىرمەگە كەلەدى. اسەل 11 جاستا. بىلتىردان باستاپ وسىنداي ۇيىرمەلەردى ەستىپ، سوعان كەلىپ جاتىرمىز. ءوزى تەلەفونمەن ۆيدەو، فوتو جاساعاندى جاقسى كورەدى»، – دەدى اتا-انا تىلەۋجان قۇسايىنوۆا.

ۇلان ادىلباەۆتىڭ ايتۋىنشا، قازىر ۇيىرمەگە ونلاين تىركەلۋ ۋاقىتشا جابىق. سوعان قاراماستان بالالاردى قابىلداپ، بارىنشا ۇيرەتىپ جاتىرمىز دەيدى.    «قازىر سوڭعى 1-2 ايدىڭ كولەمىندە ءبىزدىڭ سايتىمىز جابىق. باسقا بالالاردى قابىلداي الماي جاتىرمىز. تىركەي المايمىز باعدارلاماعا. بىراق ءبىز كەلگەن بالالاردى سايت اشىلىپ قالادى-اۋ دەگەن ۇمىتپەن ءوزىمىز تىركەپ، وقىتىپ جاتىرمىز»، – دەدى  ۇيىمداستىرۋشى ۇلان ادىلباەۆ.

ايتا كەتەيىك، وتكەن جىلى شىعارماشىلىق باعىتتاعى ۇيىرمەلەرگە 628 ميلليون تەڭگە ءبولىنىپ، 30 مىڭعا جۋىق بالا تەگىن سەكتسيالارعا جازىلعان ەدى.

Abai.kz