الماتىدا وقۋشىلار مەن ستۋدەنتتەرگە ارنالعان اۋە عارىشتىق لاگەر اشىلدى. لاگەر تەگىن جانە بالالار ارنايى سىناقتان ءوتىپ، ىرىكتەلىپ الىنادى. قازىر 600 بالانىڭ ىشىنەن 40 بالا ورتالىققا قابىلدانعان.

USTEM Robotics دامىتۋ قورىنىڭ ۇيىمداستىرۋىمەن وتكەن ءىس-شارا جاسوسپىرىمدەردى STEM سالاسىمەن تانىستىرۋعا مۇمكىندىك بەرەدى.  ماقساتى دا سول – مەكتەپتە جاراتىلىستانۋ ساباقتارىندا العان بىلىمدەرىن تاجىريبەگە ۇلاستىرۋ. عارىش لاگەرىنە گونكونگ، يتاليا جانە اقش-تىڭ بەلگىلى ۋنيۆەرسيتەتتەرىنىڭ ستۋدەنتتەرى جەتەكشىلىك ەتەدى.

«ءبىزدىڭ قازاقتىڭ جەرىنەن، العاش رەت  ادام كوسموسقا ۇشقان جانە العاش سپۋتنيك، راكەتا ءبارى ءبىزدىڭ قازاقستاننىڭ بايقوڭىر جەرىنەن ۇشقان. ءبىزدىڭ بالالارىمىز كوسموس تاقىرىبىندا اۆيامودەلدەۋ، زىمىران تۋرالى عىلىم تاقىرىبىندا جۇمىس جاساماۋى، سول تاقىرىپتى وقىماۋى ءدۇرىس ەمەس دەپ. ماسەلەنى وسى لاگەرلەر مەن كۋرستار ارقىلى شەشىپ جاتىرمىز»، – دەدى «USTEM robotics» قورىنىڭ باسشىسى اسىلبەك مىرزاحمەتوۆ

Abai.kz