«AMANAT» پارتياسىنىڭ Miras قوعامدىق كەڭەسىنىڭ كەزەكتى وتىرىسىندا كەڭەس مۇشەلەرى اياگۇل ميرازوۆا مەن ۇلجان بايبوسىنوۆا مەكتەپتەردە دومبىرا سىنىبىن اشۋ تۋرالى ۇسىنىس ايتتتى.

تىكەلەي ەفير رەجيمىندە وتكەن وتىرىسقا قوعامدىق كەڭەس ءتورايىمى قاراكوز سۇلەيمەنوۆا، كەڭەس مۇشەلەرى، «AMANAT» پارتياسىنىڭ الماتى قالالىق فيليالى اتقارۋشى حاتشىسىنىڭ ورىنباسارى قايرات بيسەمباەۆ، سونداي-اق كۇن تارتىبىندەگى سۇراقتارعا بايلانىستى قوعامدىق دامۋ باسقارماسى باسشىسىنىڭ ورىنباسارى ايبار تەمەنوۆ، ءبىلىم باسقارماسى باسشىسىنىڭ ورىنباسارى ايدىن سايلاۋباي جانە مادەنيەت باسقارماسىنىڭ وكىلى ارمان حالبەكوۆ قاتىستى.

جيىن بارىسىندا ارمان حالبەكوۆ بايانداما جاساپ، قازىر شىعارماشىلىق ورتادا جۇرگەن قالامگەرلەرگە مەملەكەت تاراپىنان الەۋمەتتىك-رۋحاني تۇرعىدا قولداۋ كورسەتۋ بويىنشا جۇرگىزىلىپ جاتقان جۇمىستار تۋرالى ايتىپ بەردى.

قالالىق ءبىلىم باسقارماسى باسشىسىنىڭ ورىنباسارى مەملەكەت باسشىسىنىڭ جولداۋىندا اتالىپ وتكەن ءاربىر مەكتەپتە دومبىرا سىنىپتارىن اشۋ جۇمىستارىنىڭ بارىسىمەن تانىستىردى.

كەڭەس مۇشەلەرى باسقارما وكىلدەرىنە قازىرگىدەي الماعايىپ زاماندا ەل تۇتاستىعى مەن بىرلىگىنە باسا نازار اۋدارۋ كەرەك ەكەنىن ەسكەرتتى. وسىعان قاتىستى ءتيىستى جۇمىستارعا تەرەڭىنەن كوڭىل بولۋگە كەڭەس بەردى.

Abai.kz