شىمكەنت قالاسىنداعى ش.قالداياقوۆ اتىنداعى وبلىستىق فيلورمونيا عيماراتىندا وبلىس اكىمى اسقار مىرزاحمەتوۆ اۋىل شارۋاشىلىعى ەڭبەككەرلەرىنىڭ مەرەكەسىنە وراي شارۋا قوجالىقتارى توراعالارىن، اۋىل شارۋاشىلىعى ونىمدەرىن وندىرۋشىلەر باسشىلارىن جانە وسى سالاعا قاتىستى عىلىمي زەرتتەۋ ينستيتۋت ديرەكتورلارىن وبلىستىڭ 80 جىلدىق مەرەيتويى اياسىنداعى «وبلىسقا سىڭىرگەن ەڭبەگى ءۇشىن» مەدالىمەن ماراپاتتادى. بۇل تۋرالى وبلىس اكىمىنىڭ ءباسپاسوز قىزمەتىنەن حابارلاندى.

شىمكەنت قالاسىنداعى ش.قالداياقوۆ اتىنداعى وبلىستىق فيلورمونيا عيماراتىندا وبلىس اكىمى اسقار مىرزاحمەتوۆ اۋىل شارۋاشىلىعى ەڭبەككەرلەرىنىڭ مەرەكەسىنە وراي شارۋا قوجالىقتارى توراعالارىن، اۋىل شارۋاشىلىعى ونىمدەرىن وندىرۋشىلەر باسشىلارىن جانە وسى سالاعا قاتىستى عىلىمي زەرتتەۋ ينستيتۋت ديرەكتورلارىن وبلىستىڭ 80 جىلدىق مەرەيتويى اياسىنداعى «وبلىسقا سىڭىرگەن ەڭبەگى ءۇشىن» مەدالىمەن ماراپاتتادى. بۇل تۋرالى وبلىس اكىمىنىڭ ءباسپاسوز قىزمەتىنەن حابارلاندى.
«تاۋەلسىزدىكتىڭ ارقاسىندا كاسىبي مەرەكەلەردى كەڭىنەن اتاپ ءوتىپ جاتىرمىز. ونىڭ ىشىندە وبلىسىمىز ءۇشىن اۋىل شارۋاشىلىعى ەڭبەككەرلەرىنىڭ مەرەكەسىن اتاپ ءوتۋ ەرەكشە قۇرمەت. ويتكەنى،  ەلباسىنىڭ اۋىل شارۋاشىلىعى سالاسىنا ايرىقشا كوڭىل ءبولۋىنىڭ ارقاسىندا ءدال وسى سالادا وبلىس تولاعاي تابىستارعا قول جەتكىزىپ وتىر» -دەپ، اتاپ ءوتتى ا.مىرزاحمەتوۆ. سونىمەن قاتار ءوڭىر باسشىسى مەملەكەتتىڭ مۇمكىندىگى ارتقان سايىن اۋىل شارۋاشىلىعى سالاسىنا دا مول مۇمكىندىكتەر تۋىپ وتىرعانىن جەتكىزدى. ماسەلەن، تومەن پايىزبەن نەسيە، سۋبسيديالار ءبولىنىپ، كوپتەگەن جەڭىلدىكتەر قاراستىرىلۋدا. سونىڭ ناتيجەسىندە جانە ديقانداردىڭ ماڭداي تەر، تابان ەتىنىڭ ارقاسىندا بيىل وبلىس رەكوردتىق كورسەتكىشتەرگە قول جەتكىزدى. «جالپى، ءبىز بۇگىنگى تاڭدا كەڭەس داۋىرىندە يگەرىلگەن جەرلەردى تولىق قامتىپ وتىرمىز. الداعى ۋاقىتتا سۋارمالى جەرلەردى يگەرۋدىڭ كولەمىن ۇلعايتۋدى جوسپارلايمىز»،-دەدى وبلىس اكىمى. ءسوزىن قورىتىندىلاي كەلە، ايماق باسشىسى بارلىق اۋىل شارۋاشىلىعى قىزمەتكەرلەرىن، ەڭبەككەرلەرىن ءتول مەرەكەلەرىمەن قۇتتىقتاپ، جۇمىستارىنا جەمىس تىلەدى. جيىن سوڭىندا وبلىسقا بەلگىلى ونەر مايتالماندارى اۋىل شارۋاشىلىعى سالاسىنىڭ ماماندارى مەن ەڭبەككەرلەرىنە ارناپ كونتسەرتتىك باعدارلاما ۇسىندى.

"اباي-اقپارات"