ەكولوگيا، گەولوگيا جانە تابيعي رەسۋرستار ءمينيسترى سەرىكقالي برەكەشەۆ قازاقستانداعى كيىكتەردىڭ كوبەيۋىن رەتتەۋ تۋرالى ايتتى. 

"پرەزيدەنت سىنىنان كەيىن بارلىق مۇددەلى مەملەكەتتىك ورگاندارمەن، قاۋىمداستىقتارمەن، ينستيتۋتتارمەن، عالىمدارمەن تاعى دا باس قوستىق. كيىكتەردىڭ كوبەيۋىن رەتتەۋ جانە پايدالانۋ ماسەلەلەرى تاعى دا تالقىلاندى. ءبىز جۇمىستاردى، عىلىمي زەرتتەۋلەردى تەرەڭدەتە جۇرگىزۋ، كوشى - قون جولدارىن، مەكەندەيتىن اۋماعىن، جەمشوپ بازاسىن قاراۋ قاجەت دەگەن قورىتىندىعا كەلدىك، بۇل وتە ماڭىزدى", - دەدى برەكەشەۆ وكق بريفينگىندە.

مينيستر اقبوكەندەردىڭ سانى ۇنەمى ءوسىپ وتىرمايتىنىن اتاپ ءوتتى. ونىڭ ايتۋىنشا، پوپۋليتسيانىڭ بەلگىلى ءبىر شەگى بار، سودان كەيىن كيىكتەردىڭ اراسىندا قورەك پەن سۋ ءۇشىن ىشكى باسەكەلەستىك پايدا بولادى.

"پوپۋلياتسيا ىشىندەگى باسەكەلەستىكتىڭ ارتۋى جانۋارلاردى السىرەتەدى. سوندىقتان وسى ماسەلەلەردىڭ ءبارىن تاعى دا قاراپ، تالقىلايمىز، سودان كەيىن دۇرىس شەشىمگە كەلەمىز دەپ ويلايمىن. بىراق تاريحي تۇرعىدان الساق، مىسالى، كەڭەستىك داۋىردە مۇنداي تاجىريبە بولدى - پوپۋلياتسيا دەڭگەيى ساقتالدى. سونىمەن قاتار، بۇل پوپۋلياتسيادا تەرىنى، ءمۇيىزدى ءوندىرۋ جانە ەتىن پايدالانۋ دۇرىس ءارى ساۋاتتى جۇرگىزىلدى", - دەپ ءتۇسىندىردى ەكولوگيا مينيسترلىگىنىڭ باسشىسى.

Abai.kz