ەۋرووداقتىڭ سىرتقى ىستەر جانە قاۋىپسىزدىك جونىندەگى جوعارعى وكىلى جوزەپ بوررەل رەسەيگە قارسى سانكتسيالار تۋرالى ماقالا جاريالادى. ول ماقالادا بىلاي دەپ جازىپتى...

جوزەپ بوررەل:

- سوعىس ۇزاققا سوزىلىپ، ەنەرگيا باعاسى ءوسىپ جاتقاندا ەۋروپا مەن باسقا  ەلدەر «بۇل سانكتسيالار جۇمىس ىستەپ جاتىر ما، نە بولماسا ولاردىڭ جاناما اسەرى تىم كۇشتى بولىپ كەتتى مە» دەگەن سۇراققا باس اۋىرتۋدا. ءبىز ءارتۇرلى ماڭىزدى ماسەلەلەردىڭ تۋىندايتىنىن بىلەمىز، بىراق سانكتسيالار ماڭىزدى ساياسي قۇرال بولىپ قالا بەرەدى.

ەۋروپالىق وداقتىڭ رەسەيگە ەنەرگەتيكالىق تاۋەلدىلىگىن ازايتۋ وتە ماڭىزدى. ماسكەۋگە تاۋەلدىلىگىمىز رەسەيدىڭ اگرەسسيۆتى ارەكەتتەرىنە قارسى ەۋروپالىق ساياساتتى دامىتۋعا كەدەرگى جاسادى.

رەسەي ەنەگياسىنان باس تارتۋ - بىرقاتار ەلدەر مەن ولاردىڭ ءارتۇرلى سەكتورلارىن  ايتارلىقتاي شىعىنعا باتىرادى. دەگەنمەن، بۇل ءبىزدىڭ دەموكراتيا مەن حالىقارالىق قۇقىقتى قورعاۋ جولىندا تولەيتىن اقىمىز بولماق.

رەسەي يمپورت تاۋارلارىن وتاندىق ونىممەن الماستىرۋعا تىرىسادى. رەسەيدىڭ اگرارلىق سەكتورىندا 2014 جىلعى سانكتسيالاردان كەيىن ىسكە اسا باستاعان، بۇگىنگى كۇنى جەمىسىن بەرىپ وتىر. الايدا، جوعارى تەحنولوگيالىق ادىسپەن الاتىن ونىمدەردى يمپورتپەن الماستىرۋ قيىن شارۋا.

ەۋروپا ستراتەگيا جاعىنان ءتوزىمدى بولعانى ءجون. سوعىس ۇزاق بولادى، كۇش سىناسۋ جالعاسا بەرەدى. باسقا امال جوق. رەسەيدىڭ ۇستەمدىك ەتۋىنە جول بەرۋ – ونىڭ دەموكراتيانى جانە حالىقارالىق ەرەجەلەرگە نەگىزدەلگەن الەمدىك ءتارتىپتى جويۋىنا مۇمكىندىك بەرۋ.

Abai.kz