بولات نازارباەۆتىڭ جاقىندارى ەكسپرەسس ك. باسىلىمىن ۇيىنە شاقىرىپ، نازارباەۆتىڭ دەنساۋلىق جاعدايى تۋرالى سۇحبات بەردى.

گۇلميرا بولاتقىزىنىڭ ايتۋىنشا، اكەسى 2015 جىلى بۇيرەكتىڭ سوزىلمالى وبىرىنا شالدىققان. يزرايل اۋرۋحاناسىندا ەم الىپ، ءبىر بۇيرەگىن الدىرعان، دونور كومەگىنە جۇگىنگەن ەكەن. سول كەزدەن باستاپ كلينيكالىق ءولىم جاعدايىنا تۇسكەن ول بارلىق بيزنەستەن باس تارتىپ، تەك دەنساۋلىعىن كۇتۋمەن بولعان.

قازىر بولات نازارباەۆ سويلەي المايدى. «وعان سەبەپ: 2021 جىلدان بەرى كومەي وبىرىمەن اۋىرادى»، - دەيدى گۇلميرا بولاتقىزى.

بۇگىندە دارىگەرلەر 69 جاستاعى بولات نازارباەۆتىڭ ءحالى ناشار دەپ وتىر. قاتەرلى كومەي وبىرىنان بولەك، 4-ءشى ساتىلى سوزىلمالى بۇيرەك اۋرۋى، قانت ديابەتى، 3-ءشى ساتىلى جۇرەك قىسىمى (گيپەرتەنزيا) ىندەتى بار. وزدىگىمەن تاماق ىشە المايدى.

باسىلىمنىڭ جازۋىنشا، بولات نازارباەۆتىڭ جاعدايىن سۇراۋ ءۇشىن ەكس-پرەزيدەنت نۇرسۇلتان نازارباەۆ ماۋسىم ايىندا تۋعان اۋىلىنا ارنايى كەلگەن.

Abai.kz