"ەڭبەك رەسۋرستارىن دامىتۋ ورتالىعى" اق بولجامداۋ دەپارتامەنتىنىڭ ساراپشىلارى دەموگرافيالىق بولجامىن جاريالادى. ورتالىقتىڭ حابارلاۋىنشا، قازاقستان حالقىنىڭ سانى 2030 جىلعا قاراي 20,8 ملن-نان 21,5 ملن-عا دەيىن، ال 2050 جىلعا قاراي 23,5 ملن-نان 27,7 ملن-عا دەيىن كوبەيۋى مۇمكىن.

"ەگەر ءولۋ مەن تۋ كورسەتكىشتەرى 2021 جىلعى دەڭگەيدە، ال سىرتقى جانە ىشكى كوشى-قون 2017-2021 جىلدارداعىداي بولسا، قازاقستان حالقىنىڭ سانى 2030 جىلعا قاراي 20 ملن 958 مىڭ ادامعا، ال 2050 جىلعا قاراي – 27 ملن 192 مىڭ ادامعا جەتەدى", – دەپ حابارلادى ەردو بولجامداۋ دەپارتامەنتىنىڭ ديرەكتورى دميتري شۋمەكوۆ.

ونىڭ مالىمەتى بويىنشا، 2030 جىلعا قاراي نۇر-سۇلتان قالاسىندا حالىق سانى 420 مىڭنان 1,7 ملن ادامعا دەيىن نەمەسە 33%- عا، الماتىدا 414 مىڭنان 2 ملن 466 مىڭ ادامعا دەيىن نەمەسە 20% - عا، شىمكەنتتە 369 مىڭنان 1,5 ملن ادامعا دەيىن ادامعا نەمەسە 32% - عا وسەدى.

سونداي-اق تۇركىستان وبلىسىندا حالىق سانى 207 مىڭ ادامعا، ماڭعىستاۋ وبلىسىندا 170 مىڭ ادامعا، الماتى وبلىسىندا 145 مىڭ ادامعا ارتادى.

شىعىس قازاقستان، قوستاناي، سولتۇستىك قازاقستان، قاراعاندى، پاۆلودار جانە اقمولا وبلىستارىندا حالىق سانى، كەرىسىنشە، ازايۋى مۇمكىن.

Abai.kz