قر پارلامەنتى ءماجىلىسىنىڭ دەپۋتاتتارى ەرلىك تايجانوۆ پەن دميتري كولودا سولتۇستىك قازاقستان وبلىسى قىزىلجار اۋدانىندا ورنالاسقان «كيرپيچ سك» نىسانىنىڭ جۇمىسىمەن تانىستى. كاسىپورىن ءوز جۇمىسىن 2022 جىلدىڭ مامىر ايىندا باستادى. بولجام بويىنشا رەسپۋبليكانىڭ وتاندىق كىرپىشكە دەگەن قاجەتتىلىگىنىڭ 50 پايىزىن قامتاماسىز ەتۋگە ءتيىس.

مۇندا تاۋلىگىنە 150 مىڭ كىرپىش شىعارىلادى. ونىمگە ىشكى سۇرانىس 30 پايىزدى قۇرايدى. بۇدان ءارى ءوندىرىستىڭ ەكىنشى جەلىسىن سالۋ ەسەبىنەن تاۋلىگىنە 300 مىڭعا دەيىن كىرپىش ءوندىرۋ جوسپارلانىپ وتىر. كولەمدەردىڭ ۇلعايۋى وتاندىق نارىقتى جەرگىلىكتى كىرپىشپەن 50 پايىزعا دەيىن قامتاماسىز ەتۋگە  مۇمكىندىك بەرەدى.كاسىپورىندا ەكى اۋىسىمدا 100 – گە جۋىق ادام ەڭبەك ەتەدى.

ءماجىلىس دەپۋتاتى دميتري كولودا زاۋىتتىڭ قازىرگى قارقىنىنا وڭ باعا بەرە كەلىپ، جالپى ەلىمىزدە كاسىپكەرلىكتى قولداۋعا ايرىقشا كوڭىل ءبولىنىپ وتىرعانىن ايتىپ، وسى باعىتتاعى مەملەكەتتىك ماڭىزدى باستامالارعا توقتالدى.

دەپۋتاتتاردىڭ ايماقتارعا ساپارى اياسىندا ماجىلىسمەن ازاماتتاردى قابىلداۋ، جەرگىلىكتى وزەكتى سۇراقتارعا نازار اۋدارۋ ماسەلەلەرىنە ءجىتى كوڭىل بولەدى.

وسى كۇنى ءماجىلىس دەپۋتاتى، «AMANAT» پارتياسى فراكتسياسىنىڭ مۇشەسى عاني تاشقاراەۆ شىمكەنت قالاسى، اقجار ەلدى مەكەنىنىڭ تۇرعىندارىمەن كەزدەسۋ وتكىزدى.  كەزدەسۋدە اقجارلىقتار ماجىلىسمەنگە قوقىس پوليگونى، كوشەلەردىڭ قۇرىلىسى، يررگاتسيالىق جۇيەلەر جانە جاڭا مەكتەپ سالۋ ماسەلەلەرى بويىنشا ساۋالدار قويدى.

«بۇگىن كەزدەسۋدە ءتۇرلى الەۋمەتتىك ماسەلەلەر كوتەرىلىپ وتىر. حالىقتى مازالاپ جاتقان سۇراقتاردىڭ باسىم بولىگى قوقىس ماسەلەسى بولىپ تۇر. ەكولوگيا ماسەلەلەرى جانە تابيعاتتى پايدالانۋ كوميتەتىنىڭ مۇشەسى رەتىندە مەن قازىرگى ۋاقىتتا ەلىمىزدىڭ 6 وڭىرىندە قوقىس وڭدەۋ زاۋىتىن سالۋ قاجەتتىلىگى بار ەكەنىن بىلەمىن، ياعني ولار جوسپاردا بار. الداعى كۇندەرى ءۇشىنشى قالالىق قوقىس پوليگونىنا بارىپ، «Green Line» جشس باسشىلىعىمەن ونىڭ اۋماعىندا ءورتتىڭ پايدا بولۋ سەبەپتەرى جانە ءورتتىڭ سالدارى ماسەلەسى بويىنشا كەزدەسۋ وتكىزۋدى جوسپارلاپ وتىرمىن. سونىمەن قاتار، اقجار ەلدى مەكەنىندە تۇرعىندار سانى جىلدان جىلعا ارتىپ كەلەدى. سايكەسىنشە بالالاردىڭ دا سانى ارتىپ، مۇنداعى جالعىز مەكتەپتە وقۋشىلار ءۇش اۋىسىمدا وقۋعا ءماجبۇر. وسى ماسەلەگە قاتىستى قالالىق ءبىلىم باسقارماسىنىڭ باسشىسىمەن جانە اۋدان اكىمىمەن كەلىسىپ، جاڭا مەكتەپ قۇرىلىسىنا جەر ءبولۋ بويىنشا سۇراقتىڭ شەشىمىن قاراستىرامىز» - دەدى عاني ابدىعانيۇلى.

جيىنعا  «AMANAT» پارتياسى شىمكەنت قالالىق فيليالى اتقارۋشى حاتشىسىنىڭ ورىنباسارى قالمۇراتوۆ ءمۇراتالى ءورازالىۇلى جانە اباي اۋدانىنىڭ اكىمى بۇحارباي پارمانوۆ قاتىستى. دەپۋتاتتاردىڭ وڭىرلەرگە ساپارى ودان ءارى جالعاسۋدا.

Abai.kz