گرۋزيا ەكس-پرەزيدەنتىنىڭ ادۆوكاتى ۆالەري گەلباحياني سااكاشۆيلي ساياساتتان كەتىپ، ءوزى نەگىزىن قالاعان ء"بىرتۇتاس ۇلتتىق قوزعالىس" پارتياسىنان شىعۋعا نيەتتى ەكەنىن مالىمدەدى.

2013 جىلى گرۋزيانىڭ ەكس-پرەزيدەنتىنە قارسى ءتورت قىلمىستىق ءىس قوزعالدى. ولاردىڭ ەكەۋى بويىنشا ساياساتكەر سىرتتاي ءۇش جانە التى جىلعا باس بوستاندىعىنان ايىرىلدى.

2007 جىلعى 7 قاراشاداعى وپپوزيتسيا ميتينگىسىن تاراتۋ، "يمەدي" گرۋزين تەلەكومپانياسىنىڭ كەڭسەسىن تالقانداۋ جانە 9 ملن لاري (1 ملرد تەڭگەدەن استام) كولەمىندەگى مەملەكەتتىك قاراجاتىن تالان-تاراجعا ءتۇسىرۋ بويىنشا ىستەر قارالۋدا.

وتكەن جىلدىڭ 20 قازانىندا سااكاشۆيليگە شەكارانى زاڭسىز كەسىپ ءوتتى دەگەن ايىپ تاعىلدى، بۇل جاعدايدا ول بەس جىلعا دەيىن باس بوستاندىعىنان ايىرىلۋى مۇمكىن.

Abai.kz