"حاشت-ە سوبح" اۋعان گازەتىنىڭ دەرەككوزگە سىلتەمە جاساي وتىرىپ 2 تامىزدا حابارلاۋىنشا، تالىپتەردىڭ "وماري" كورپۋسى كومانديرىنىڭ ورىنباسارى مولدا موحامماد جان حامزا تاحوردا "تاليبان" ۇكىمەتى مينيسترلەرىنىڭ ءبىرى قاتىسقان جيىندا وسىلاي دەپ مالىمدەگەن. تاحور اۋعان پروۆينتسياسى تاجىكستاننىڭ حاتلون وبلىسىمەن شەكتەسەدى.

ۇلتى پۋشتۋن موحامماد جان حامزا "تاجىكستان اۋعانستاننىڭ ىشكى ىسىنە ارالاسۋىن دوعارماسا، ال رەسەي تاجىكستانعا كومەكتەسپەسە، وندا تادىپتەر بۇل ەلدى ءبىر اپتا ىشىندە جاۋلاپ الادى" دەپ مالىمدەگەن.

مالىمەتتەرگە قاراعاندا، ول تالىپتەردىڭ تاحور پروۆينتسياسىن باسىپ الۋىندا ماڭىزدى ءرول اتقارعان.

دۋشانبە ءتالىپ كومانديرىنىڭ مالىمدەمەسىن ەلەۋسىز قالدىردى. تاجىكستان بيلىگى ادەتتە "تاليباننىڭ" جاۋاپتى تۇلعالارىنىڭ مالىمدەمەلەرىنە جاۋاپ قاتپايدى، ويتكەنى ول تالىپتەردىڭ اۋعانستانداعى بيلىگىن مويىندامادى، بۇعان قوسا دۋشانبە مەن كابۋل اراسىندا ديپلوماتيالىق قارىم-قاتىناس جوق.

تالىپتەر 2021 جىلعى تامىزدا كابۋلدى باسىپ الىپ، اۋعانستان يسلام امىرلىگى قۇرىلعانىن جاريالادى. تاجىكستان پرەزيدەنتى ەمومالي راحمون وسى ەلدەگى حالىقتىڭ 46 پايىزدان استامىن قۇرايتىن تاجىك ۇلتىنىڭ وكىلدەرى تالىپتەردىڭ جاڭا ۇكىمەتىندە جوق ەكەنىن سىنادى.

Abai.kz