جىل باسىنان بەرى الاياقتىق بويىنشا 11 763 جاعداي تىركەلدى. ينتەرنەتتەگى الاياقتارعا الدانعان قازاقستاندىقتار 7 ملرد تەڭگەسىنەن قاعىلدى.

قر ءىىم وكىلى شۇعىلا تۇرلىبەكتىڭ ايتۋىنشا، سوڭعى التى جىلدا ينتەرنەت-الاياقتىق فاكتىلەرى كوبەيىپ كەتكەن. ەگەر 2016 جىلى وسىنداي مىڭ قىلمىس ورىن السا، 2021 جىلى ينتەرنەت-الاياقتىقتىڭ سانى 21 مىڭعا دەيىن ارتقان. جىل باسىنان بەرى 11 763 وقيعا تىركەلىپ،  الاياقتار قازاقستاندىقتارعا 7 ملرد تەڭگەگە زالال كەلتىرگەن. 571 قىلمىسكەر مەن 17 ۇيىمداسقان قىلمىستىق توپ ۇستالعان.

"بۇعان دەيىن ءىىم باستاماسى بويىنشا ونلاين-قارىز الۋ كەزىندە تۇتىنۋشىلاردى سايكەستەندىرۋدىڭ بانكتىك راسىمدەرى قاتايعان بولاتىن. بۇگىندە الاياقتار تەلەفوندارعا قاشىقتان قول جەتكىزۋ ءۇشىن ارنايى قوسىمشالاردى، ابونەنتتىك نومىرلەردى اۋىستىرۋ سەرۆيستەرىن پايدالانادى. سونداي-اق، ولاردىڭ اراسىندا شەتەلدەن ارەكەت ەتىپ وتىرعاندار دا بار", - دەپ اتاپ ءوتتى ءىىم وكىلى.

Abai.kz