قازاقستان مەن ۆەتنام اراسىنداعى اۋە قاتىناسى قايتا جاندانۋدا. قر يدم ازاماتتىق اۆياتسيا كوميتەتى ۆەتنام سوتسياليستىك رەسپۋبليكاسىنىڭ اۆياتسيالىق بيلىك ورىندارىمەن بىرلەسىپ قازاقستان مەن ۆەتنام اراسىنداعى تۇراقتى جولاۋشىلار رەيستەرىن جاڭارتۋ بويىنشا جۇمىس جۇرگىزۋدە، دەپ حابارلادى يندۋستريا جانە ينفراقۇرىلىمدىق دامۋ مينيسترلىگى رەسمي تەلەگرام ارناسىندا.

ۆەتنامدىق  «Vietjet Air» ءىرى اۆياكومپانياسى بيىلعى قىركۇيەك ايىنىڭ سوڭىنان باستاپ «Airbus ا – 330» ءتيپتى اۋە كەمەلەرىمەن كامران-نۇر-سۇلتان جانە كامران-الماتى باعىتتارى بويىنشا اپتاسىنا 2-3 رەت جيىلىكپەن تۇراقتى جولاۋشىلار رەيستەرىن باستاۋدى جوسپارلاپ وتىر. قازاقستان مەن ۆەتنام اراسىنداعى اۋە قاتىناسىن قالپىنا كەلتىرۋ ەلدەر اراسىنداعى ساۋدا-ەكونوميكالىق، ينۆەستيتسيالىق، تۋريستىك جانە مادەني ىنتىماقتاستىقتى دامىتۋدى جەدەلدەتۋگە مۇمكىندىك بەرەدى.

"Vietjet Air" –  ۆەتنامنىڭ تومەن بيۋدجەتتى اۋە تاسىمالداۋشىسى. اۆياكومپانيا رەيستەردى 2007 جىلى باستاعان. الەمنىڭ 10 ەلىنە: سينگاپۋر، مالايزيا، ميانما، يندونەزيا، كامبودجا، تايۋان، وڭتۇستىك كورەيا، قىتاي، جاپونيا جانە ۇندىستانعا 19 - دان استام باعىت بويىنشا حالىقارالىق رەيستەردى ورىندايدى. اۆياكومپانيا پاركىندە Airbus ا320, A321, ا321 neo, ا330 ۇلگىسىندەگى 78 اۋە كەمەسى بار.

Abai.kz