وسى كۇنى ابايدىڭ سىرتىنان نە ايتىلمادى؟ "اباي دەگەن ادام بولدى ما؟" دەگەن سۇراق توتەسىنەن قويىلىپ ءجۇر. ول نەنى بىلدىرەدى؟! ول - ابايدىڭ ۇلكەن سەنىمگە اينالىپ كەتكەنىنىڭ بەلگىسى. سەنۋ مەن سەنبەۋدىڭ، سەنىم مەن كۇماننىڭ اراسىنداعى ماڭگىلىك كۇش سەكىلدى قۇپيا الەمگە اينالىپ كەتكەنىنىڭ بەلگىسى شىعار...

راسىمەن دە ابايعا سەنۋدە، سەنبەۋدە ادام اقىلىنىڭ تاڭداۋىندا...

وزىمە اناۋ ەسكەرتكىشتەر مەن سۋرەتتەردەگى ابايدان، قارا ءسوز بەن ولەڭىنىن ىشىندەگى اباي جاقىنىراق... ايتپەسە ەسكەرتكىش دەگەن ابايدىڭ ەمەس، تاستىڭ مۇڭايىپ تۇرعانى باسىمىراق دۇنيەعوي كوبىندە. ال وقىساڭ ءارىپتىڭ ارتىنان سىعالاپ ابايدىڭ مۇڭى سەزىلىپ تۇرادى...

جارايدى، ايتپاعىم باسقا ەدى. ءبىز "اباي دەگەن ادام بولعان جوق" دەسەك، نە ۇتامىز؟ جارايدى، ونى ءاليحان جاساپ شىقتى دەلىك. سودان؟ ول الەكەڭنىڭ ەكىنشى بولمىسى بولعاننىڭ وزىندە، اباي دەپ اسپەتتەۋگە لايىق بولمىس ەمەس پە؟!

تالاس نەدەن تۋدى؟ ونىدا بىلمەدى. ءبىر بىلەرىم ءبىز ابايدى قۇرتقاننان ابايدىڭ ەشتەڭەسى كەتپەيدى، سورلايتىن ءوزىمىز...

مەنىڭ وزىمە وسى ابايدىڭ تالاسىنان رۋشىلدىق پەن جەرشىلدىكتىڭ ءيىسى مۇڭكىپ تۇراتىن سياقتى كەيدە...

مىسالى "ماحامبەتتى بيىك قويام ابايدان" دەپ، دانىشپانسۋدىڭ ءوزى ۇلكەن قاسىرەت. بۇل اقىلدى كۇشكە جىعىپ بەرۋ. ايتپەسە ماحامبەتتە اقىلدىڭ ادامى، كۇشى مەن قىلىشىن كورىنگەن بوققا شاپقان اقىماق ەمەس. زامانى سولاي بولدى...

ايتپەسە "شىڭعىس حاندى بيىك قويام ءال-فارابيدان" دەپ تە ايتا سالۋعا بولاتىن دۇنيە. سول شىڭعىس حاندار وسى ءال-فارابيلەر جاققان شىراقتىڭ، وركەنيەتتىڭ كىندىگىنەن بالتا شاپتى عوي... بۇگىنگى ۇردا-جىق پاراساتسىز ءحالىمىز سونىڭ كەسىرى... كەشەگى الاشتىقتارعا اراشا تۇسپەگەن، ءوز زيالىسىنان تاماقتى ارتىق قوياتىن قوعام سودان تۋدى... ءالى جالعاسىپ كەلەدى...

وسى كۇنگى كاپيتاليزم مەن ديپلوماتيانىڭ تىلىنە سالىپ ايتساق. مىناۋ ءار قالاداعى اباي كوشەلەرى مەن ەسكەرتكىشتەرىن نە ىستەمەكپىز سوندا؟

الىس-جاقىن شەت ەلدەگىلەر قۇرمەت كورسەتىپ باس اقىندارىڭ دەپ كورسەتكەن سىي-سىياپات نە بولماق؟ "كەشىرەرسىزدەر، ءبىز قاتەلەسىپ قالىپپىز اباي دەگەن ادام بولماپتى مىنانىڭ ءبارىن قۇرتىپ جىبەرىڭىزدەرشى، كەيىن ءبىر باسقا ادامنىڭ اتىن ايتىپ جىبەرەرمىز" دەمەكپىز بە؟

قالاي دەسەكتە اباي ۇلكەن سەنىم مەجەسىنە اينالدى. وعان سەنبەۋگەدە، كۇمانمەندە قاراۋعا بولادى... سەنۋگەدە، ۇلىقتاۋعادا بولادى...

ول سول ءۇشىن اباي...

ء"وزىڭىز جايلى اڭىزدار جاساڭىز. قۇدايلار سولاي باستاعان" دەيدى، ەجي لەتس. مۇمكىن ابايدىڭدا اينالاسىنان اڭىزدىڭ ازايماۋى سودان شىعار...

سەرىك حەسانوۆ

Abai.kz