قازاقستان مەكتەپتەرىندە وقۋ جىلى ەكى اپتاعا ۇزارتىلدى. Cايكەسىنشە وقۋ جىلىنداعى دەمالىستار ۋاقىتى تومەندەگىدەي وزگەرتىلدى :

كۇزدە جەتى كۇن - 31 قازاننان 6 قاراشاعا دەيىن;

قىستا توعىز كۇن - 31 جەلتوقساننان 8 قاڭتارعا دەيىن;

كوكتەمدە توعىز كۇن -18-26 ناۋرىزعا دەيىن بولماق.

وسىعان دەيىنگى وقۋ جىلى اياسىنداعى 30 كۇندىك دەمالىس 25 كۇنگە قىسقاردى. ءبىرىنشى سىنىپ وقۋشىلارىنا اقپاننىڭ 6-12 ارالىعىندا قوسىمشا دەمالىس قاراستىرىلعان. وقۋ جىلى 31 مامىردا اياقتالماق. جازعى دەمالىس 1 ماۋسىمنان 1 قىركۇيەككە دەيىن جالعاسادى.

وقۋ-اعارتۋ مينيسترلىگى ساراپشىلاردىڭ وسىعان دەيىن وقۋ جىلىن ۇزارتۋ جونىندە بىرنەشە رەت ءوتىنىش تۇسىرگەنىن ايتادى. ولار الەمدە ەڭ ۇزاق كانيكۋل- 130 كۇن قازاقستاندا ەكەنىن، باسقا ەلدەردە 80- 100 كۇننەن اسپايتىنىن ەسەپكە العان.

شىلدە ايىندا مينيسترلىكتىڭ جوباسى قوعام تالقىسىنا ءتۇسىپ، كوپتەگەن اتا-انا وقۋ جىلىنىڭ ۇزارعانىنا قارسى شىققان بولاتىن. وقۋ-اعارتۋ مينيسترلىگى وقۋ جىلىنىڭ ۇزارتىلعانى كۇندەلىكتى پاندەردى ازايتۋعا مۇمكىندىك بەرەتىنىن ايتادى.

Abai.kz