شاڭىراق وقيعاسىنا بايلانىستى 20 جىلعا سوتتالعان قۇرمانعازى وتەگەنوۆ بوستاندىققا شىقتى.

وتەگەنوۆ 2006 جىلعى وقيعالاردان كەيىن، اۋەلى 16 جىلعا سوتتالدى. 2013 جىلى وعان "تۇرمە اكىمشىلىگىنىڭ زاڭدى تالاپتارىنا باعىنباۋ" دەگەن ايىپ تاعىلىپ قاماۋ مەرزىمى  تاعى ەكى جارىم جىلعا سوزىلدى.

ەستەرىڭىزگە سالا كەتەيىك، 2006 جىلعى 14 شىلدەدە شاڭىراق اۋىلى تۇرعىندارى مەن پوليتسيا اراسىندا قاقتىعىس بولدى. الماتى پوليتسياسى ارنايى جاساقپەن بىرگە جينالعان قاۋىمدى تاراتپاق بولعاندا، پوليتسيا قىزمەتكەرلەرىنىڭ ءبىرى اسەت بەيسەنوۆ تىرىدەي ورتەنىپ كەتتى.

وتەگەنوۆتەن باسقا "شاڭىراق ءىسى" بويىنشا بەلگىلى ديسسيدەنت اقىن، ساياسي بەلسەندى ارون اتابەك سوتتالىپ، 2021 جىلدىڭ كۇزىندە بوستاندىققا شىققان بولاتىن. وكىنىشكە وراي، بەلسەندىنىڭ دەنساۋلىعى ناشارلاپ، 24 قاراشادا 69 جاسىندا قايتىس بولدى.

Abai.kz