قازاقستانداعى قانت باعاسى ءبىر جىلدا 87 پايىزعا قىمباتتاعان. Energyprom.kz مالىمەتىنشە، وسى جىلدىڭ شىلدە ايىندا ەلدەگى قانتتىڭ كيلوگرامى ورتاشا ەسەپپەن 537 تەڭگەگە جەتتى.  بۇل باعا بىلتىرعىعا قاراعاندا 86,6% - عا ارتىق.

جامبىل وبلىسىندا قانت باعاسى بىردەن ەكى ەسەگە وسكەن. قانتتىڭ قىمباتتاۋىنان الماتى مەن قاراعاندى وبلىستارى كوش باستاپ تۇر. نۇر-سۇلتان قالاسىندا قانت باعاسى 58,3 پايىزعا وسكەن.

ەلىمىزدىڭ ءىرى قالالارى اراسىندا قانتتىڭ كيلوگرامى الماتىدا (581 تگ), قوناەۆتا (555 تگ) جانە اتىراۋدا (554 تگ) قىمباتتادى. ەڭ تومەن باعا اقتوبەدە تىركەلدى (449 تگ).

قازاقستان تمد ەلدەرىنەن 65,3 مىڭ توننا قانت پەن ساحاروزا اكەلدى. بۇل ءبىر جىل بۇرىنعىعا قاراعاندا 45,7% - عا از. نەگىزگى ەكسپورتتاۋشى ەل – رەسەي.

تمد قۇرامىنا كىرمەيتىن ەلدەردەن قازاقستان 145,3 مىڭ توننا قانت ساتىپ الدى. بۇل بىلتىرعا قاراعاندا 23,9% - عا ارتىق.

Abai.kz